बदलापूर उपजिल्हा रुग्णालयात 20 मार्च रोजी-मोफत महाआरोग्य शिबिराचे आयोजन

ठाणे, प्रतिनिधी:- राष्ट्रीय एड्स नियंत्रण कार्यक्रमांतर्गत व जिल्हा एड्स नियंत्रण कक्ष, सामान्य रुग्णालय, ठाणे यांच्या मार्गदर्शनाखाली संपूर्ण सुरक्षा केंद्र कार्यरत असून, त्यामार्फत एचआयव्ही/एड्स संवेदनशीलता व जागरुकता कार्यक्रम आयोजित केला आहे. त्यामध्ये जिवित हक्क, वर्तन समस्येतून मुक्तीविषयक समुपदेशन, त्यावरील उपाय, संवध व्यवस्थापन यावर कार्य केले जाते. संपूर्ण सुरक्षा केंद्रांतर्गत दि.20 मार्च 2025 रोजी उपजिल्हा रुग्णालय, बदलापूर येथे सकाळी 9 वाजता मोफत महाआरोग्य शिबिराचे आयोजन करण्यात आले आहे.

या महाआरोग्य शिबिरामध्ये विविध प्रकारच्या रक्त चाचण्या तसेच गुप्तरोग व क्षयरोगविषयी माहिती व तपासणी, मधुमेह तपासणी, दंत तपासणी, कान/नाक/घसा तपासणी, ईसीजी, आयुर्वेदिक सेवा, आभा कार्ड, इतर सुविधा तसेच विविध वैद्यकीय तपासणी करण्यात येणार आहेत.

तरी, या महाआरोग्य शिबिराचा जास्तीत जास्त नागरिकांनी लाभ घ्यावा, असे आवाहन जिल्हा शल्यचिकित्सक डॉ.कैलास पवार यांनी केले आहे.

00000