आदिवासी समाजातील इच्छुक उमेदवारांना 7 एप्रिल पर्यंत कर्ज फॉर्म भरण्याचे आवाहन..

        सांगली, प्रतिनिधी : शबरी आदिवासी वित्त व विकास महामंडळामार्फत एन.एस.टी.एफ.डी.सी. नवी दिल्ली तथा राज्य शासन पुरस्कृत कर्ज योजना राबविण्यात येत आहेत. शबरी शाखा कार्यालय, जुन्नर कार्यक्षेत्रात येणारे पुणे, अहिल्यानगर, सातारा, सांगली, सोलापूर, कोल्हापूर, धाराशिव, बीड, लातूर या जिल्ह्यामधील आदिवासी लाभार्थींकरिता कर्ज योजना राबविण्यासाठी सन 2024-25 साठी राज्य शासन पुरस्कृत योजना व एन.एस.टी.एफ.डी.सी. कर्ज योजनेसाठी लक्षांक प्राप्त झाले आहेत. या जिल्ह्यातील आदिवासी समाजातील इच्छुक उमेदवारांनी www.mahashabari.in या संकेतस्थळाच्या माध्यमातून दि. 7 एप्रिल 2025 पर्यंत ऑनलाईन कर्ज फॉर्म भरावेत, असे आवाहन महामंडळाचे शाखा व्यवस्थापक रा. भ. पाटील यांनी प्रसिध्दीपत्रकाव्दारे केले आहे.

  राज्य शासन पुरस्कृत योजनेंतर्गत स्वयंसहायता बचतगट, ऑटो वर्क शॉप / स्पेअर पार्ट, ऑटो रिक्षा/ मालवाहु रिक्षा व वाहन व्यवसाय यासाठी प्रत्येकी 4 असा एकूण 16 लक्षांक प्राप्त आहे. एन.एस.टी.एफ.डी.सी. कर्ज योजनेंतर्गत स्वयंसहायता बचतगटासाठी 10, ऑटो वर्क शॉप /स्पेअर पार्ट 8, लहान उद्योग व्यवसाय 17, ऑटो रिक्षा/मालवाहू रिक्षा एक असा एकूण 39 लक्षांक प्राप्त झाला आहे. कोणत्याही प्रकारे ऑफलाईन अर्ज स्वीकारले जाणार नाहीत. अधिक माहितीसाठी संपर्क करा 02132-295473