महात्मा बसवेश्वर सामाजिक समता शिवा पुरस्कारासाठी अर्ज मागविले
छत्रपती संभाजीनगर, प्रतिनिधी ): वीरशैव लिंगायत समाजाच्या सामाजिक, शैक्षणिक आणि आर्थिक विकासासाठी कलात्मक, साहित्यिक आणि समाजप्रबोधनाच्या क्षेत्रात कार्य करणाऱ्या व्यक्ती आणि संस्थांना हा पुरस्कार दिला जातो. शासनाच्या निर्णयानुसार, वैशाख शुद्ध अक्षय तृतीया या दिवशी एक व्यक्ती आणि एका संस्थेला हा पुरस्कार देण्यात येतो.इच्छुक व्यक्तींनी विहित नमुन्यातील अर्ज आवश्यक कागदपत्रांसह 10 एप्रिल पर्यंत इतर मागास बहुजन कल्याण कार्यालय, खोकडपुरा येथे सादर करावेत, असे आवाहन इतर मागास बहुजन कल्याणचे सहायक संचालक अनंत कदम यांनी केले आहे.
