एमएचटी-सीईटी-परिक्षा केंद्र व त्या सभोवतालच्या १०० मीटर परिसरात,भारतीय नागरिक सुरक्षा संहिता २०२३ चे कलम १६३ मधील तरतूदी लागू..
सातारा, प्रतिनिधी- एमएचटी-सीईटी सामाईक प्रवेश परीक्षा २०२५ PCM ग्रुप ची दिनांक २७ एप्रिल २०२५ रोजी सकाळ सत्रात घेण्यात आलेल्या व परिक्षेकरीता उपस्थित राहिलेल्या उमेदवारांची फेरपरिक्षा दिनांक ०५ मे २०२५ रोजी दुपारी २ ते ५ या वेळेत घेण्यात येणार आहे.
दिनांक ०५ मे २०२५ रोजी PCM ग्रुपची परीक्षा सातारा जिल्ह्यातील १) यशोदा टेक्निकल कॅम्पस, सर्वे न. २४२/१, वाढे फाटा, ता. जि. सातारा, २) कै. डॉ. दादासाहेब चव्हाण मेमोरियल इन्स्टिट्यूट ऑफ फार्मसी, मसूर, ता. कराड, जि. सातारा, ३) अरविंद गवळी कॉलेज ऑफ इंजिनिअरोग, पानमाळेवाडी, पो.-वर्ये, ता. जि. सातारा, ४) डॉ. अशोक गुजर टेक्निकल इन्स्टिट्यूट, डॉ. दौलतराव अहेर कॉलेज ऑफ इंजिनिअरींग, विद्यानगर, ता. कराड, जि. सातारा, ५) शासकीय अभियांत्रिकी महाविद्यालय कराड, मसूर रोड, सैदापूर, कराड, यावरील पाच ठिकाणच्या परिक्षा केंद्रावर घेण्यात येणार आहे.
आणि, ज्या अर्थी, नमुद केलेल्या परिक्षा केंद्राच्या परिसरात कायदा व सुव्यवस्थेचा प्रश्न निर्माण होऊ नये, यासाठी उक्त नमुद केलेल्या परिक्षा केंद्राचे परिसरात व त्या सभोवतालच्या १०० मीटर परिसरात भारतीय नागरिक सुरक्षा संहिता २०२३ चे कलम १६३ मधील तरतूदी लागू करणे आवश्यक झाले आहे, अशी माझी खात्री आली आहे.
त्याअर्थी मी नागेश पाटील, अपर जिल्हादंडाधिकारी, सातारा भारतीय नागरिक सुरक्षा संहिता २०२३ चे कलम १६३ मधील तरतूदीनुसार मला असलेल्या अधिकारान्वये दिनांक ०५ मे २०२५ रोजी सकाळी ०७.०० ते दुपारी ०५.३० वाजेपर्यंत या कालावधीत सातारा जिल्ह्यातील उपरोक्त नमुद केलेल्या परिक्षा केंद्राचे परिसरात व त्या सभोवतालचे १०० मीटर परिसरात परिक्षार्थी, परिक्षेसाठी नेमलेले अधिकारी- कर्मचारी, सुरक्षा अधिकारी -कर्मचारी यांना वगळून इतर व्यक्तींना प्रवेश करण्यास या आदेशान्वये मनाई करीत आहे. तसेच दोन वा दोन पेक्षा अधिक व्यक्तींना एकत्र येण्यास मनाई करीत आहे. तसेच विद्यालय – महाविद्यालयाचे परिसरातील सार्वजनिक टेलिफोन,एस. टी.डी. बुथ,आय. एस. डी. बुथ,फॅक्स केंद्रावर मोबाईल, वायरलेस सेट, ट्रॅांझिस्टर, रेडिओ, कॅल्क्युलेटर, लॅपटॉप परिक्षा केंद्राच्या १०० मीटर पर्यंत परिसरात वापरणेस व जवळ बाळगणेस, तसेच परिक्षा केंद्रात नेणेस मनाई करीत आहे.
सदरचा आदेश दि ०५ मे २०२५ रोजी सकाळी ०७.०० ते दुपारी ०५.३० वाजेपर्यंत या कालावधीत अंमलात राहील.
0000
