नमुंमपामार्फत 27 मार्च रोजी प्रसिध्द पदभरती जाहिरातीतील पदांसाठी ऑनलाईन पध्दतीने अर्ज करण्याची मुदत आता 19 मे 2025 पर्यंत..
नवी मुंबई प्रतिनिधी -नवी मुंबई महानगरपालिका पदभरतीची जाहीरात क्रमांक आस्था/ 01 / 2025, दिनांक 27/03/2025 रोजी दैनिक वृत्तपत्रांमध्ये प्रसिद्ध झालेली आहे. सदर जाहिरातीच्या अनुषंगाने नवी मुंबई महानगरपालिकेच्या वतीने शुद्धीपत्रक निर्गमित करण्यात येत आहे.
महाराष्ट्र शासन, सामान्य प्रशासन विभाग, शासन निर्णय दि. 20 मे, 2011 अन्वये जे उमेदवार इ. 10 वी / 12 वी (माध्यमिक / उच्च माध्यमिक परीक्षा ) न होता यशवंतराव चव्हाण मुक्त विद्यापीठ व इतर मुक्त विदयापीठ, ज्यांना विद्यापीठ अनुदान आयोगाची (UGC) मान्यता प्राप्त आहे, अशा मुक्त विद्यापीठातून पदवी धारण करणा-या उमेदवारांना लिपीक-टंकलेखक व लेखा लिपीक या पदांकरीता अर्ज करण्यात यावा याकरीता तरतूद करण्यात येत आहे.
सदर तरतुदीच्या अनुषंगाने लिपीक-टंकलेखक व लेखा लिपीक या संवर्गाकरिता तसेच जाहिरातीतील इतर सर्व संवर्गासाठी ऑनलाईन पद्धतीने अर्ज सादर करण्याचा अंतिम दिनांक 19/05/2025 (वेळ रात्री 11.55) पर्यंत वाढविणेबाबत तरतूद करण्यात येत आहे, याची नोंद घ्यावी असे आवाहन नवी मुंबई महानगरपालिकेच्या वतीने करण्यात येत आहे.
