जागतिक योग दिनानिमित्त सांगलीत शनिवारी भक्ति योग कार्यक्रम- मुख्य कार्यकारी अधिकारी तृप्ती धोडमिसे

        सांगली, प्रतिनिधी: जागतिक योग दिन म्हणून 21 जून हा दिवस साजरा केला जातो. यावर्षी जागतिक योग दिनाचे औचित्य साधून जिल्हा परिषद सांगली, विश्व योग दर्शन सांगली आणि चितळे डेअरी भिलवडी यांच्या संयुक्त विद्यमाने भक्ति योग हा योग सादरीकरणाचा कार्यक्रम नियोजित आहे. या कार्यक्रमाचे मुख्य केंद्र छत्रपती शिवाजी महाराज स्टेडीयम सांगली हे असून हा कार्यक्रम दिनांक 21 जून 2025 रोजी सकाळी 8 ते 8.45 या वेळेत आयोजित करण्यात आला आहे. अशी माहिती जिल्हा परिषदेच्या मुख्य कार्यकारी अधिकारी तृप्ती धोडमिसे यांनी दिली.

  या कार्यक्रमात शाळा, महाविद्यालयातील विद्यार्थी, प्रशासकीय अधिकारी, कर्मचारी, विविध क्षेत्रातील मान्यवर यांची उपस्थिती राहणार आहे. या कार्यक्रमात अधिकाधिक संख्येने सहभागी व्हावे, असे आवाहन संयोजकांच्या वतीने करण्यात आले आहे.

00000