दिवाळीच्या पार्श्वभूमीवर एलपीजी सिलेंडरच्या किमतीत वाढ..

राज्य प्रतिनिधी –

दिवाळीच्या पार्श्वभूमीवर एलपीजी सिलेंडरच्या किमतीत वाढ झाली आहे. ऑक्टोबर महिन्यापासून एकोणीस किलो व्यवसायिक एलपीजी सिलेंडरच्या किमतीत साधारण पंधरा ते सोळा रुपये वाढ करण्यात आली आहे. घरगुती वापरासाठी असलेल्या चौदा पूर्णांक दोन किलो सिलेंडरच्या किंमतीत सध्या कोणताही बदल नाही.

व्यवसायिक सिलेंडर मुख्यतः हॉटेल, रेस्टॉरंट, केटरिंग आणि छोट्या उद्योगांमध्ये वापरला जातो, त्यामुळे या दरवाढीमुळे हॉटेल आणि फूड डिलिव्हरी क्षेत्रांवर महागाईचा परिणाम होण्याची शक्यता आहे. दिवाळी आणि दसऱ्यासारख्या सणासुदीच्या काळात या वाढीचा परिणाम ग्राहकांच्या बजेटवरही पडू शकतो.

सध्या मुंबईत एकोणीस किलो व्यवसायिक सिलेंडरची जुनी किंमत एक हजार पाचशे एकतीस पूर्णांक पाच रुपये होती, जी नवी किंमत एक हजार पाचशे सत्तेचाळीस रुपये झाली आहे. तसेच दिल्ली, कोलकता, चेन्नई सारख्या शहरांमध्येही पंधरा ते सोळा रुपयांची वाढ झाली आहे. घरगुती सिलेंडरच्या किमती स्थिर ठेवण्यात आल्या आहेत, ज्यामुळे सामान्य कुटुंबीयांना थोडा दिलासा मिळाला आहे.