हलाल सर्टिफिकेश संदर्भात कठोर नियम आवश्यक : सर्टिफिकेशन केवळ मांसाहारी खाद्य पदार्थांपुरते मर्यादित ठेवावे, सरकारी संस्थांनाच सर्टिफिकेशनचे अधिकार असावे ! खासदार मेघा कुलकर्णी

राज्य प्रतिनिधी-हलाल सर्टिफिकेश संदर्भात कठोर नियम आवश्यक : सर्टिफिकेशन केवळ मांसाहारी खाद्य पदार्थांपुरते मर्यादित ठेवावे, सरकारी संस्थांनाच सर्टिफिकेशनचे अधिकार असावे ! खासदार मेघा कुलकर्णी

FSSAI चे मुख्य कार्यकारी अधिकारी श्री राजीत पुन्हानी जी यांना एक पत्र सोपवून, भारतात वाढत्या हलाल सर्टिफिकेशनच्या अनियंत्रित प्रसारावर गंभीर चिंता व्यक्त केली. हे सर्टिफिकेशन आता मांसाहारी पदार्थांवरून पुढे जाऊन, पीठ, नाश्ता, कॉस्मेटिक्स, औषधे आणि टूथपेस्ट सारख्या सामान्य उत्पादनांवर देखील लावले जात आहे, ज्यामुळे ग्राहकांमध्ये गोंधळ निर्माण होत आहे. हे एक समांतर आणि खाजगी सर्टिफिकेशन व्यवस्थेस प्रोत्साहन देऊन पारदर्शिता आणि जबाबदारी, या तत्त्वांच्या विरुद्ध आहे.

या पत्राद्वारे मी ही स्पष्ट मागणी केली आहे की, हलाल सर्टिफिकेशन केवळ सरकार किंवा सरकारमान्य संस्थांद्वारे दिले जावे आणि ते देखील केवळ मांस आणि मांसावर आधारित उत्पादनांपुरतेच मर्यादित राहावे. गैर – मांसाहारी उत्पादनांवर याचा वापर ताबडतोब बंद केला पाहिजे. ग्राहक हक्कांचे संरक्षण, निष्पक्ष व्यापार आणि भारताच्या बाजारपेठेचे धर्मनिरपेक्ष तटस्थ स्वरूप राखण्यासाठी ही कारवाई अत्यंत महत्त्वाची आहे.

…………………