संजय गांधी निराधार योजना सांगली शहर बैठकीत 94 प्रकरणे पात्र…
सांगली, प्रतिनिधी: सांगली शहरकरिता संजय गांधी योजनेच्या प्रकरणांसाठी तहसिलदार तथा संजय गांधी योजना सांगली शहरच्या अध्यक्ष शुभांगी कनवाडे यांच्या अध्यक्षतेखाली बैठक घेण्यात आली. संजय गांधी शाखा, जिल्हाधिकारी कार्यालय, सांगली येथे पार पडलेल्या या बैठकीत एकूण 118 प्रकरणे ठेवण्यात आली होती. त्यापैकी संजय गांधी योजना 85 पैकी 64 पात्र व 21 अपात्र, श्रावणबाळ योजना एकूण 33 पैकी 30 पात्र व 03 प्रकरणे अपात्र करण्यात आली. या बैठकीस महसूल सहायक संदीप पाटील व इतर कर्मचारी उपस्थित होते. मार्च 2026 महिन्यामध्ये पुढील बैठक होणार असल्याने सर्व संबंधितांनी अर्ज करावेत, असे आवाहन तहसिलदार शुभांगी कनवाडे यांनी केले.00000
