जालना येथे अमृतपेठ थेट बाजारपेठ प्रदर्शनाचे आयोजन

जालना, प्रतिनिधी- स्थानिक उद्योजकांना प्रोत्साहन देण्यासाठी आणि ग्राहकांना दर्जेदार वस्तू थेट उत्पादकांकडून उपलब्ध करून देण्यासाठी अमृतपेठ – थेट बाजारपेठ या प्रदर्शनाचे आयोजन करण्यात आले आहे. हे प्रदर्शन येत्या 11 व 12 एप्रिल 2026 रोजी आयोजित करण्यात येणार आहे. सदर प्रदर्शनाचे ठिकाण महेश भवन, मंठा चौफुली, जालना असे असून सकाळी 9 ते रात्री 9 या वेळेत प्रदर्शन सर्वांसाठी खुले राहणार आहे.

अमृतपेठ – थेट बाजारपेठ प्रदर्शनामध्ये घरगुती खाद्यपदार्थ, हस्तकला वस्तू, कपडे, दागिने तसेच विविध उपयुक्त वस्तूंचे स्टॉल्स उभारण्यात येणार आहेत. या माध्यमातून स्थानिक महिला व उ‌द्योजकांना त्यांच्या उत्पादनांची थेट विक्री करण्याची संधी मिळणार आहे. तसेच ग्राहकांना एकाच ठिकाणी विविध दर्जेदार वस्तू खरेदी करण्याची संधी मिळणार आहे. तरी नागरिकांनी प्रदर्शनाला मोठ्या संख्येने उपस्थित राहून स्थानिक उ‌द्योजकांना प्रोत्साहन द्यावे, असे आवाहन जिल्हा व्यवस्थापक, अमृत कार्यालय, जालना यांनी प्रसिध्दीपत्रकाद्वारे केले आहे.

*-*-*-*-