vishwatmaklokswamivarta
Breaking News
ठळक बातम्याप्रदेश

भारतीय सशस्त्र दलात अधिकारी पदासाठी पूर्वप्रशिक्षणाची संधी,पूर्वतयारीसाठी २५ एप्रिल रोजी मुलाखतीस उपस्थित राहण्याचे आवाहन

भारतीय सशस्त्र दलात अधिकारी पदासाठी पूर्वप्रशिक्षणाची संधी,पूर्वतयारीसाठी २५ एप्रिल रोजी मुलाखतीस उपस्थित राहण्याचे आवाहन

अहिल्यानगर, द प्रतिनिधी-भारतीय सशस्त्र दलात अधिकारी पदाच्या भरतीसाठी पात्र उमेदवारांना ‘एसएसबी’ मुलाखतीची पूर्वतयारी करून घेता यावी, यासाठी महाराष्ट्र शासनामार्फत छात्रपूर्व प्रशिक्षण केंद्र, नाशिक रोड येथे दि. ४ ते २३ मे २०२६ या कालावधीत ‘एसएसबी कोर्स क्रमांक ६६’ आयोजित करण्यात आला आहे.या प्रशिक्षणासाठी निवडल्या जाणाऱ्या प्रशिक्षणार्थ्यांना निवास व भोजनाची सोय विनामूल्य उपलब्ध करून दिली जाणार आहे. जिल्ह्यातील इच्छुक उमेदवारांनी निवडीसाठी दि. २५ एप्रिल २०२६ रोजी सकाळी जिल्हा सैनिक कल्याण कार्यालय, अहिल्यानगर येथे मुलाखतीस उपस्थित राहावे, असे आवाहन जिल्हा सैनिक कल्याण अधिकारी विद्यासागर कोरडे यांनी केले.

निवडीसाठी उमेदवारांनी मुलाखतीस येताना सैनिक कल्याण विभागाच्या संकेतस्थळावरून ‘एसएसबी-६६’ कोर्सचा अर्ज डाउनलोड करून तो पूर्णपणे भरावा. तसेच अर्जाची प्रिंट व संबंधित मूळ कागदपत्रे सोबत आणणे आवश्यक आहे.

उमेदवाराने सीडीएसई-यूपीएससी किंवा नॅशनल डिफेन्स अकॅडमी परीक्षा उत्तीर्ण केलेली असावी व ते एसएसबी मुलाखतीसाठी पात्र असावेत. तसेच एनसीसी स्पेशल एंट्री, टेक्निकल ग्रॅज्युएट कोर्स किंवा विद्यापीठ प्रवेश योजना अंतर्गत प्रवेश घेतलेल्या उमेदवारांकडे एसएसबीचे कॉल लेटर असणे आवश्यक आहे.

अधिक माहितीसाठी उमेदवारांनी छात्रपूर्व प्रशिक्षण केंद्र, नाशिक रोड येथे प्रत्यक्ष भेट द्यावी किंवा training.pctcnashik@gmail.com या ई-मेलवर संपर्क साधावा. तसेच ०२५३-२४५१०३२ किंवा व्हॉट्सअॅप क्रमांक ९१५६०७३३०६ वरही माहिती उपलब्ध आहे.

00000

संबंधित पोस्ट

छत्रपती शिवाजी महाराज सार्वजनिक जयंतीचा उत्सव आजपासून बुलढाण्यात..प्रबोधनात्मक व सांस्कृतिक कार्यक्रमांची यावर्षी रेलचेल!

vishwatmaklokswamivarta

एक भारतीय मुलगा… त्याच्या शेजारी बसलेली जागतिक पातळीवर प्रसिद्ध अभिनेत्री कोण ? फोटो संपूर्ण जगभर व्हायरल होऊ लागला…

vishwatmaklokswamivarta

शासकीय योजनांतर्गत प्राप्त कर्ज प्रकरणे वेळेत मार्गी लावा आणि समन्वयाने 100%उद्दिष्ट पूर्ती करा– जिल्हाधिकारी किशन जावळेपीक कर्जाची मार्चअखेर 100 टक्के उद्दिष्टपूर्ती करा-

vishwatmaklokswamivarta

बालकांची खरेदी विक्री करणे तसेच बेकायदेशीररित्या बाळाला दत्तक देणे कायद्याने गुन्हा

vishwatmaklokswamivarta

बिहारचे मुख्यमंत्री नितीश कुमार यांचा राज्यसभेला आज अर्ज दाखल करण्याची शक्यता, केंद्रीय गृहमंत्री अमित शाह आजच पाटण्यात

महिला सक्षमीकरणाचा संदेश देणारी खाद्यजत्रा; बचतगटांच्या उद्योजकतेला नवे व्यासपीठ-पालकमंत्री डॉ.राधाकृष्ण विखे पाटील