माओवाद्यांचा शस्त्रास्त्र निर्मिती कारखाना गडचिरोली पोलीस व नारायणपूर (छ.ग.) पोलीसांकडून नष्ट

राज्य प्रतिनिधी* आत्मसमर्पित माओवाद्यांकडून मिळालेल्या गोपनीय माहितीच्या आधारे राबविण्यात आलेल्या आंतरराज्यीय अभियानादरम्यान विविध माओवादी साहित्य घटनास्थळीच नष्ट करण्यात आले.* “ऑपरेशन अंतिम प्रहार” अंतर्गत पुन्हा एकदा माओवादी शस्त्रसाठा जप्त; ज्यामध्ये 01 नग इन्सास रायफल, 02 नग सिंगल शॉट रायफल, 02 नग 12 बोअर रायफल व एकूण 18 जिवंत काडतुसे यांचा समावेश.

गडचिरोली जिल्ह्यातील माओवाद आता संपूष्टात आला असून, जिल्ह्यातील माओवादी चळवळ देखील जवळजवळ समाप्त झाली आहे. सुरक्षा दलांना धोका पोहोचविण्याच्या तसेच घातपाताच्या कारवाया करण्याच्या उद्देशाने माओवाद्यांकडून विविध प्रकारचे शस्त्र व स्फोटक साहित्याचा वापर केला जात असे. आंतरराज्यीय सीमावर्ती भागातील दुर्गम जंगल परिसराचा फायदा घेत माओवाद्यांकडून हे साहित्य तयार करून गोपनीयरीत्या जंगल परिसरात जमिनीत लपवून ठेवले जात असे. त्याचा वापर विविध नक्षल सप्ताह, निवडणुका इत्यादी प्रसंगी सुरक्षा दलांवर घातपात करण्यासाठी केला जात होता.

दिनांक 23 मे 2026 रोजी करण्यात आलेल्या कारवाईनंतर दिनांक 27 मे 2026 रोजी पुन्हा एकदा प्रभावी कारवाई करत माओवाद्यांनी जंगलामध्ये लपवून ठेवलेले साहित्य हस्तगत करण्यात गडचिरोली पोलीस दलास यश आले आहे

00000