हातमाग कापड स्पर्धेसाठी प्रवेशिका मागविल्या
छत्रपती संभाजीनगर,द प्रतिनिधी)- शासनाच्या वस्त्रोद्योग विभागामार्फत हातमाग कापड उत्कृष्ट नमुन्याची विभागीय हातमाग कापड स्पर्धा २०२४-२५- गुरुवार दि.२० रोजी आयोजीत करण्यात आली आहे. या स्पर्धेसाठी मंगळवार दि.१८ पर्यंत विणकरांनी आपले कापडाचे वाण पाठवावे,असे आवाहन प्रादेशीक उपायुक्त प्रशांत सदाफुले यांनी केले आहे. छत्रपती संभाजीनगर विभागातील हातमाग विणकर सहकारी संस्था, महामंडळे, खाजगी व इतर क्षेत्रातील हातमाग विणकरांनी हातमागावर तयार केलेल्या कापडाचे वाण नमुने प्रादेशिक उपायुक्त व्सत्रोद्योग, छत्रपती संभाजीनगर, बाळासाहेब पवार सहकार भवन, तिसरा मजला, जाफरगेट, छत्रपती संभाजीनगर येथे मंगळवार दि.१८ रोजी सकाळी ११ वाजेपर्यंत जमा करावेत. विभागातील अधिकाधिक हातमाग विणकरांनी यास्पर्धेत सहभागी व्हावे,असे आवाहन प्रादेशीक उपायुक्त वस्त्रोद्योग प्रशांत सदाफुले यांनी केले आहे.
०००००
