मोताळा औद्योगिक प्रशिक्षण संस्थेतील महिला प्रशिक्षणार्थीना टूलकिट वाटप

बुलडाणा, प्रतिनिधी : मोताळा येथील सेवागिरी बाबा शासकिय औद्योगिक प्रशिक्षण संस्था येथे नांदी फाउंडेशनमार्फत महिलांना विविध व्यवसायातील प्रशिक्षण देण्यात आले. या प्रशिक्षणामध्ये उत्तीर्ण झालेल्या महिला प्रशिक्षणार्थीना नांदी फाउंडेशनव्दारे टूलकिट व प्रमाणपत्राचे वाटप दि. 12 मार्च रोजी करण्यात आले. यावेळी संस्थेचे प्राचार्य एस. डी. गंगावणे, नांदी फाउंडेशनचे प्रतिनिधी रजत वरादे व संस्थेतील सर्व कर्मचारी वृंद तथा प्रशिक्षणार्थी उपस्थित होते.

नांदी फाउंडेशनव्दारे कोपा, ड्रेसमेकिंग, संधाता, नळ कारागीर, जोडारी, तारतंत्री, आयसीटीएसएम, कॉस्मेटोलॉजी या विविध व्यवसायातील प्रशिक्षणार्थी(मुली) यांना व्यवसाय निहाय सैध्दांतिक व प्रात्यक्षिक तांत्रिक प्रशिक्षण देण्यात आले. तसेच संस्थेतील कॉस्मेटोलॉजी व्यवसायामध्ये प्रशिक्षण घेत असलेल्या व प्रशिक्षण उत्तीर्ण केलेल्या आजीमाजी महिला प्रशिक्षणार्थीना ब्युटी फॉर बेटर लाइफ हे दहा दिवसाचे मोफत प्रशिक्षण दोन सत्रामध्ये देण्यात आले.

00000