जिल्हा पाणी व स्वच्छता मिशन समितीची आढावा बैठक संपन्न
सांगली, प्रतिनिधी : जिल्हा पाणी स्वच्छता मशीनच्या समितीची बैठक जिल्हाधिकारी कार्यालय येथे आज संपन्न झाली. या बैठकीस ग्रामीण पाणीपुरवठा विभागाचे कार्यकारी अभियंता संजय येवले, उपमुख्य कार्यकारी अधिकारी (पाणीपुरवठा व स्वच्छता) किरण सायमोते, महाराष्ट्र जीवन प्राधिकरणचे कार्यकारी अभियंता अमित आडे, वरिष्ठ भूवैज्ञानिक सुषमा सावळे यांच्यासह ग्रामीण पुरवठा विभागाशी संबंधित उपअभियंता यासह तालुकास्तरीय अधिकारी उपस्थित होते.
या बैठकीत जिल्हा परिषद व महाराष्ट्र जीवन प्राधिकरणाकडील नळ पाणी पुरवठा योजनेची कामे, कार्यात्मक घरगुती नळ जोडणी संदर्भात उद्दिष्ट साध्य कार्यात्मकता, सुधारित योजना, विद्युत जोडणी, इलेक्ट्रो क्लोरीनेशन संयंत्र, प्राप्त तक्रारी, जिल्ह्यातील सांडपाणी घनकचरा व्यवस्थापनाची कामे, हर घर जल प्रमाणिकरण, जत 29 गावच्या स्वतंत्र पाणीपुरवठा योजना याबाबत सविस्तर आढावा घेण्यात आला.
०००००
