बॉलिवूड अभिनेता दिनो मोरियाला पोलिसांनी केली अटक, राहत्या घरातच मुंबई पोलिसांनी बेड्या ठोकल्या,मिठी नदी गैरव्यवहार प्रकरणी ..
बॉलीवूड प्रतिनिधी- बॉलिवूड अभिनेता दिनो मोरिया याला मुंबई पोलिसांकडून अटक करण्यात आली आहे. मिठी नदी गैरव्यवहार प्रकरणी मुंबई पोलिसांनी दिनो मोरियाला मुंबईतीलराहत्या घरातून अटक केली आहे.
दरम्यान, दिनो मोरियावर यापूर्वी दिशा सालियान प्रकरणातही आरोप करण्यात आलेलं. दरम्यान, मिठी नदी गैरव्यवहार प्रकरणात दिनो मोरियाला ईडी चौकशीलाही सामोरं जावं लागलेलं. तसेच, त्याच्या राहत्या घरी छापेमारीही करण्यात आलेली.
मिठी नदी गाळ उपसा गैरव्यवहार आणि अभिनेता डिनो मोरिया यांचं कनेक्शन मुंबई महानगरपालिकेच्या (BMC) सफाई कंत्राटातील कथित 65 कोटी रुपयांच्या आर्थिक अफरातफरीच्या तपासाशी संबंधित आहे. अटक करण्यात आल्यानंतर दिनो मोरिया याला अधिक चौकशीसाठी मुंबई पोलीस आयुक्तालयात आणण्यात आलं आहे.
मीडिया रिपोर्टनुसार, मुंबईतील मिठी नदी गैरव्यवहार प्रकरणी मुंबई पोलिसांच्या आर्थिक गुन्हे शाखेकडून आज 2 ऑक्टोबर) सकाळपासून दिनो मोरिया याची चौकशी सुरू होती. सुमारे आठ तास चाललेल्या या चौकशीनंतर पोलिसांनी त्याला ताब्यात घेत त्याच्यावर अटकेची कारवाई करण्यात आलीय.
मिठी नदी गैरव्यवहाराचं प्रकरण,या घोटाळ्यात बृहन्मुंबई महानगरपालिकेने (बीएमसी) गाळ काढण्याची यंत्रे आणि गाळ काढण्याची उपकरणे भाड्याने घेण्यामध्ये कथित आर्थिक अनियमितता झाल्याचा आरोप आहे. कोची येथील मॅटप्रॉप टेक्निकल सर्व्हिसेस प्रायव्हेट लिमिटेडकडून खरेदी केलेल्या मशिनरीसाठी कदम आणि सह-आरोपी जय जोशी यांनी महापालिकेकडून जास्त दर आकारल्याचा आरोप करण्यात आलाय. मॅटप्रॉप अधिकारी आणि बीएमसीच्या स्टॉर्म वॉटर ड्रेनेज (एसडब्ल्यूडी) विभागाच्या अधिकाऱ्यांच्या संगनमताने हे काम करण्यात आल्याचा तपासकर्त्यांचा अंदाज आहे.
मीठी नदी घोटाळा : बीएमसी, कंत्राटदारांविरुद्ध गुन्हा अधिकारी आणि कंत्राटदारांसह एकूण 13 जणांविरोधात मीठी नदी घोटाळ्याप्रकरणी गुन्हा दाखल केला
. ED चा संशय आहे की, विशेष ड्रेजिंग उपकरणं भाड्यानं घेण्यासाठी टेंडर प्रक्रियेत छेडछाड करण्यात आली, आणि ठराविक पुरवठादारांना फायदा मिळवून देण्यात आला. यामुळे बृहन्मुंबई महानगरपालिकेला मोठा आर्थिक तोटा सहन करावा लागला. मीठी नदी, जी मुंबईतून वाहून अरबी समुद्रात मिळते, ही नदी सतत गाळ आणि पुराच्या समस्यांमुळे त्रस्त आहे.
दिनो मोरिया कोण? अक्षय कुमारच्या ‘हाउसफुल 5’ चित्रपटात काम करणारा अभिनेता दिनो मोरिया सध्या वादाच्या भोवऱ्यात अडकला आहे. डिनो मोरियाने आपल्या करिअरची सुरुवात मॉडेलिंगपासून केली होती.
