पक्षांमध्ये असाधारण मरतूक आढळल्यास तात्काळ कळवा- जिल्हा पशुसंवर्धन उपआयुक्त डॉ. अजयनाथ थोरे
सांगली, प्रतिनिधी : राज्यातील काही भागात एव्हिएन इन्फ्ल्यूएन्झा (बर्ड फ्ल्यू) पक्षांमध्ये झाल्याचे आढळून आले आहे. त्या पार्श्वभूमीर जिल्ह्यात कोठेही पक्षांमध्ये असाधारण मरतूक आढळून आल्यास नागरिकांनी तात्काळ नजिकच्या पशुवैद्यकीय दवाखान्यामध्ये किंवा पशुसंवर्धन आयुक्तालयाच्या १८००२३३०४८ / १९६२ या टोल फ्री दुरध्वनी क्रमांकावर कळवावे, असे आवाहन जिल्हा पशुसंवर्धन उपआयुक्त डॉ. अजयनाथ थोरे यांनी प्रसिध्दीपत्रकाव्दारे केले आहे.
उकडलेली अंडी व शिजवलेले चिकन खाणे मानवी आरोग्यास पूर्णपणे सुरक्षित आहे. त्यामुळे अंडी व चिकन शिजवून खाण्याबाबत तसेच बर्ड फ्ल्यू रोगाबाबत अनावश्यक गैरसमज व अफवा पसरवण्यात येऊ नयेत, असे डॉ. थोरे यांनी प्रसिध्दी पत्रकात म्हटले आहे.
