डाक विभागाची सांगलीत 25 मार्चला पेंशन अदालत
सांगली, द प्रतिनिधी) : भारतीय डाक विभागाची विभागीय स्तरावरील सहामाही पेंशन अदालत दि. 25 मार्च 2025 रोजी दुपारी 4 वाजता प्रवर अधीक्षक डाकघर, सांगली विभाग यांचे कार्यालय, सांगली प्रधान डाकघर इमारत, राजवाडा चौक, सांगली येथे आयोजित केली आहे, अशी माहिती प्रवर अधीक्षक डाकघर सांगली यांनी प्रसिध्दीपत्रकाव्दारे दिली.
जे टपाल विभागातून निवृत्त झाले आहेत, ज्यांचा सेवेत असताना मृत्यू झालेला आहे, अशा वेतनधारकांच्या लाभाशी संबंधित तक्रारींचे 3 महिन्यांच्या आत निवारण झालेले नसेल तर अशा प्रकरणांचा पेंशन अदालत मध्ये विचार केला जाणार आहे. संबंधितांनी त्यांचे अर्ज प्रवर अधीक्षक डाकघर सांगली यांच्या कार्यालयात दि. 19 मार्च 2025 रोजी किंवा त्यापूर्वी वैयक्तिक रूपाने पाठवावेत. 19 मार्च नंतर मिळालेल्या अर्जावर पेंशन अदालतमध्ये विचार करण्यात येणार नसल्याचे प्रसिध्दी पत्रकात स्पष्ट केले आहे.
000000
