*नवी मुंबई महानगरपालिकेच्या पदभरतीत कनिष्ठ अभियंता (स्थापत्य) संवर्गाच्या पदसंख्येत वाढ – पात्र उमेदवारांना अर्ज करण्याचे आवाहन*

      नवी मुंबई प्रतिनिधी- नवी मुंबई महानगरपालिकेच्या आस्थापनेवर ‘गट-क’ आणि ‘गट – ड’ मध्ये 30 संवर्गात 620 पदांकरिता सरळसेवेव्दारे भरती प्रक्रिया सुरू झाली असून याबाबतची माहिती 27 मार्च 2025 रोजी वर्तमानपत्रांतून तसेच महानगरपालिकेची वेबसाईट व सर्व सोशल मिडिया माध्यमांतून प्रसिध्द करण्यात आलेली आहे.

यामध्ये – मूळ जाहिरातीतील अ.क्र.2 – कनिष्ठ अभियंता (स्थापत्य), (गट-क), वेतनश्रेणी:- एस – 14 : 38600 – 122800 या संवर्गाच्या पद संख्येत वाढ झाल्याने जाहिरातीमध्ये दर्शविलेल्या या पदांच्या सामाजिक व समांतर आरक्षणामध्ये बदल करण्यात येत आहेत.

     मूळ जाहिरातीत प्रसिध्द अटी व तरतुदींमध्ये कोणताही बदल नाही याची संबधितांनी नोंद घ्यावी आणि इच्छुक पात्र उमेदवारांनी नवी मुंबई महानगरपालिकेची अधिकृत वेबसाईट https://www.nmmc.gov.in यावर तसेच महानगरपालिकेच्या अधिकृत फेसबुक, ट्विटर, इन्स्टाग्राम पेजला भेट द्यावी व याविषयीची माहिती जाणून घ्यावी आणि अर्ज करावेत असे आवाहन नमुंमपा प्रशासन विभागाच्या वतीने करण्यात येत आहे.