उप प्रादेशिक परिवहन कार्यालय, पेण येथे ६० जप्त वाहनांचा २७ मे रोजी ई-लिलाव* *इच्छुकांनी २१ मे पूर्वी नोंदणी करावी
रायगड प्रतिनिधी: उप प्रादेशिक परिवहन कार्यालय, पेण यांच्या वतीने मोटार वाहन कायदा १९८८ व मुंबई मोटार वाहन कर नियम १९५८ अन्वये जप्त करण्यात आलेल्या ६० वाहनांचा ई-लिलाव दि. २७ मे २०२५ रोजी दुपारी १२ वाजता आयोजित करण्यात आला आहे. हा लिलाव महाराष्ट्र जमीन महसूल अधिनियम १९६६ अन्वये कराधान प्राधिकाऱ्यांना प्राप्त अधिकारांचा वापर करून घेण्यात येत आहे.
ई-लिलावात भाग घेणाऱ्या इच्छुकांनी ३४ हजार नोंदणी शुल्क (ना परतावा) आणि रु. ४ लाख ९४ हजार ठेव रक्कम (परतावा) DD द्वारा “Dy RTO PEN” या नावाने उप प्रादेशिक परिवहन कार्यालय, पेण येथे भरावयाची आहे. लिलावाची सविस्तर माहिती व अटी http://www.eauction.gov.in या संकेतस्थळावर दि. १६ मे २०२५ पासून उपलब्ध आहे.
ई-लिलावाचे वेळापत्रक
नोंदणी सुरूवात: २० मे २०२५ सकाळी १० वाजता
नोंदणी समाप्ती: २१ मे २०२५ दुपारी ५ वाजता.
कागदपत्र पडताळणी व मंजुरी: २२ मे २०२५ सकाळी ११ वाजता
वाहने पाहणीची वेळ:
सुरुवात: १७ मे २०२५ सकाळी १० वाजता
शेवट: २५ मे २०२५ सायंकाळी ६ वाजता
ई-लिलाव दिनांक: २७ मे २०२५
वेळ: दुपारी १२ ते २ वाजता
उप प्रादेशिक परिवहन अधिकारी तथा कराधान प्राधिकारी, पेण यांनी कोणतेही कारण न देता लिलाव रद्द अथवा तहकूब करण्याचे अधिकार राखून ठेवले आहेत. इच्छुकांनी संपूर्ण माहिती काळजीपूर्वक वाचून आणि अटी-शर्तींची पूर्तता करून लिलावात सहभागी व्हावे, असे आवाहन करण्यात आले आहे.
