मुंबई सेंट्रलमध्ये दूध केंद्र स्टॉलला गाडीची जोरदार धडक, दूध केंद्र चालक नुकसान भरपाईच्या प्रतीक्षेत..

मुंबई : प्रतिनिधी –

मुंबई सेंट्रल येथील दूध केंद्र चालक सेनाकांत चंद्रकांत जाधव यांच्या दूध केंद्र स्टॉलला एका चार चाकी गाडीने धडक दिल्याने त्यांचे स्टॉलचे अतोनात नुकसान झाले असून सदर स्टॉल ची नुकसान भरपाई मिळावी अशी मागणी सेनाकांत जाधव यांनी केली आहे. सेनाकांत चंद्रकांत जाधव यांचे दूध केंद्र स्टॉल हे गीतांजली बिल्डिंगजवळ डॉ. भडकमकर मार्ग, मुंबई सेंट्रल या ठिकाणी आहे. 26 मे 2019 रोजी रात्री 2.40 च्या सुमारास मोहम्मद इमरान आरिफ अहमद चष्मा वाला यांच्या ताब्यातील गाडीने त्यांच्या स्टॉलला धडक दिली व दूध केंद्राचे नुकसान केले. यासंदर्भात आग्रीपाडा पोलीस ठाण्यात तक्रार दाखल करण्यात आली आहे. पोलिसांनी स्टॉलचे नुकसान झाल्या संदर्भात कुठल्याही प्रकारचा न्याय दिलेला नाही उलट पक्षी त्यांनी गाडी चालकाला सहकार्य केल्याचे समजते. मला माझ्या स्टॉलचे झालेली नुकसान तात्काळ देण्यात यावे अन्यथा या संदर्भात मी पोलीस आयुक्त देवेन भारती यांची भेट घेणार असे सेनाकांत जाधव यांनी सांगितले.