गुणवंत मागासवर्गीय मुलांचे शासकीय वसतिगृह मिरज येथे प्रवेश प्रक्रिया सुरू…
सांगली, प्रतिनिधी : महाराष्ट्र शासनाच्या सामाजिक न्याय विभागांतर्गत गुणवंत मागासवर्गीय मुलांचे शासकीय वसतिगृह मिरज हे कार्यरत आहे. सन 2025-2026 या शैक्षणिक वर्षात इयत्ता 11 वी, ITI-I तसेच Diploma-I या वर्गामध्ये प्रवेश घेतलेल्या इच्छुक विद्यार्थ्यांनी https://hmas.mahait.org/ या संकेतस्थळावर ऑनलाईन अर्ज करावेत. अधिक माहितीसाठी 0233-2990177 या दूरध्वनी क्रमांकावर संपर्क साधावा, असे आवाहन वसतिगृहाचे अधिक्षक यांनी प्रसिध्दीपत्रकाव्दारे केले आहे.
प्रवेश अट व प्रक्रिया – विद्यार्थी अनुसूचित जाती व अनुसूचित जमाती या प्रवर्गातील असावा. विद्यार्थ्याला किमान 55 टक्के गुण असावे. विद्यार्थी सांगली मिरज व कुवाड शहरातील रहिवासी असावा. विद्यार्थी इयत्ता 11 वी, ITI-I तसेच Diploma-I या वर्गातीलच असावा. विद्यार्थ्यांनी ऑनलाईन पध्दतीने https://hmas.mahait.org/ या संकेतस्थळावर अर्ज भरावयाचा आहे. ऑनलाईन भरलेल्या अर्जासोबत 10 वी गुणपत्रक, शाळा सोडलेला दाखला, जातीचा दाखला, उत्पन्न दाखला, रहिवासी दाखला, आधार कार्ड, महाविद्यालयातील फी भरलेली पावती/बोनाफाईड, एसबीआय बँक अकाउंट, गॅप सर्टिफिकेट इत्यादी कागदपत्रे अर्जासोबत जोडून वसतिगृहामध्ये जमा करावे, असे प्रसिध्दी पत्रकात म्हटले आहे.
00000
