क्रीडा क्षेत्राच्या सर्वांगीण विकासासाठी नागरिकांना सूचना देण्याचे आवाहन
सांगली, द प्रतिनिधी : महाराष्ट्र शासनाच्या क्रीडा व युवक सेवा संचालनालयाच्या वतीने विकसित महाराष्ट्र 2047 या महत्वाकांक्षी उपक्रमांतर्गत राज्यातील क्रीडा क्षेत्राचा सर्वांगीण विकास साधण्यासाठी जनतेचे बहुमत तसेच योजना जाणून घेण्यासाठी ऑनलाईन विशेष सर्वेक्षण सुरू करण्यात आले आहे. राज्यातील क्रीडा क्षेत्राची सद्यस्थिती, भविष्यातील अपेक्षा, आंतरराष्ट्रीय स्तरावरील स्पर्धांमध्ये खेळाडुंची कामगिरी उंचावण्यासाठी आवश्यक उपाययोजना त्याचबरोबर लोकप्रिय खेळांचा प्रचार व प्रसार यासंबंधी सूचना नागरिकांनी https://forms.gle/d9fcxXWje8AphqpX9 या लिंकवर जावून गुगल फॉर्मव्दारे द्याव्यात, असे आवाहन जिल्हा क्रीडा अधिकारी किरण बोरवडेकर यांनी प्रसिध्दीपत्रकाव्दारे केले आहे.
खेळाडू, प्रशिक्षक, क्रीडा संघटक, क्रीडाप्रेमी शासकीय अधिकारी आणि सामान्य नागरिकांनी या सर्वेक्षणात सहभागी होऊन मते व्यक्त करावीत. या उपक्रमातून संकलित होणाऱ्या सूचना व मते यांचा उपयोग राज्याचे क्रीडा धोरण अधिक व्यापक आणि खेळ व खेळाडू केंद्रीत करण्यासाठी होणार आहे. क्रीडा विभागाच्या अधिकृत संकेतस्थळावर नागरिकांना आपले मत नोंदविता येणार आहे. नागरिकांनी मोठ्या संख्येने या उपक्रमात सहभागी होऊन सूचना द्याव्यात. जेणेकरून महाराष्ट्रातील क्रीडा क्षेत्र जागतिक स्तरावर आपले नावलौकिक मिळवेल, असे आवाहनही श्री. बोरवडेकर यांनी केले आहे.
00000
