जालना महानगरपालिका – 372 नळ कनेक्शनचे नियमितीकरण 2715600 रुपये वसुल.

राज्य प्रतिनिधी -जालना महानगरपालिका – 372 नळ कनेक्शनचे नियमितीकरण 2715600 रुपये वसुल. यापुढे जे आज तडजोडी आले नाही किंवा तडजोड झाली नाही अशा लोकांना यापुढे दहा हजारच भरणा करावे लागेल.

आज दिनांक 13.09.2025 रोजी जालना जिल्हा व सत्र न्यायालय येथे तिसऱ्या राष्ट्रीय लोक अदालत मध्ये जालना शहरातील महानगरपालिकेच्या अनधिकृत धारकांची प्रकरणी तडजोडी करिता सादर करण्यात आली होती. या दरम्यान एकूण 372 अनधिकृत नळ कनेक्शन तडजोडी अंती अधिकृत करण्यात आली आहेत. त्याद्वारे महानगरपालिकेने रु. 27,15,600/- इतक्या रकमेची वसुली केली आहे.

राष्ट्रीय लोक अदालतीचे उद्घाटन मा. पालक न्यायाधीश यांच्या हस्ते पार पडले, याप्रसंगी महानगरपालिकेचे आयुक्त तथा प्रशासक, माननीय जिल्हा व सत्र न्यायाधीश तसेच मा. न्यायाधीश जिल्हा विधी सेवा प्राधिकरण हे उपस्थित होते.याप्रसंगी जिल्हा विधी सेवा प्राधिकरण कर्मचारी व महानगरपालिकेचे कर्मचारी यांनी परिश्रम घेतले.