म्हाडाची 1 ऑक्टोबर रोजी सोडत
छत्रपती संभाजीनगर, प्रतिनिधी: छत्रपती संभाजीनगर गृहनिर्माण व क्षेत्रविकास मंडळामार्फत 1408 सदनिका, भुखंड, गाळ्यांकरीता 30 जून, 2025 रोजीच्या विविध वर्तमानपत्रात जाहिरात देण्यात आलेली होती. जाहिराती अन्वये ऑनलाईन पद्ध्तीने अद्यावत अशा नविन एकात्मिक लॉटरी प्रणाली अंतर्गत 7 हजार 881 अर्जांची ऑनलाईन संगणकीय नोंदणी झाली आहे.
उपरोक्त अर्जांची संगणकीय सोडत 01 ऑक्टोबर, 2025 रोजी सकाळी 11 वाजता जिल्हा नियोजन समिती सभागृह जिल्हाधिकारी कार्यालय, छत्रपती संभाजीनगर येथे होणार आहे. संगणकीय सोडतीचे उद्घाटन सामाजिक न्याय मंत्री तथा जिल्ह्याचे पालकमंत्री संजय शिरसाट यांच्या हस्ते करण्याचे नियोजित असल्याचे छत्रपती संभाजीनगर गृहनिर्माण व क्षेत्रविकास मंडळाचे उपमुख्य अधिकारी जे.एस.नामेवार यांनी प्रसिद्धीपत्रकान्वये कळविले आहे.
*******
