जागतिक ज्येष्ठ नागरिक दिवसानिमित्त आज तपासणी शिबीर

           सांगली, प्रतिनिधी) : जागतिक ज्येष्ठ नागरिक दिन 1 ऑक्टोबर रोजी साजरा केला जातो. या निमित्ताने सहायक आयुक्त समाज कल्याण सांगली व भारती वैद्यकीय महाविद्यालय यांच्या संयुक्त विद्यमाने आरोग्य समुपदेशन व मोफत वैद्यकीय तपासणी शिबीराचे आयोजन करण्यात आले आहे. हा कार्यक्रम सहायक आयुक्त, समाज कल्याण कार्यालय सांगली, सामाजिक न्याय भवन, जुना बुधगाव रोड, सांगली येथे दि. 1 ऑक्टोबर रोजी सकाळी 11 वाजता आयोजित करण्यात आला असून, जिल्ह्यातील सर्व ज्येष्ठ नागरिकांनी या कार्यक्रमाचा लाभ घ्यावा, असे आवाहन जिल्हा ज्येष्ठ नागरिक समन्वय व संनियंत्रण समितीचे सदस्य सचिव तथा समाज कल्याण कार्यालयाचे सहायक आयुक्त बाळासाहेब कामत यांनी प्रसिध्दीपत्रकाव्दारे केले आहे.

00000