राज्यात मुंबई सह कोकणात मुसळधार पावसाची शक्यता हवामान खात्याचा अंदाज…
राज्य प्रतिनिधी-राज्यात मुंबई सह कोकणात मुसळधार पावसाची शक्यता हवामान खात्याचा अंदाज…
भारतीय हवामान विभागाने महाराष्ट्र राज्यातील विविध भागांत विजेच्या गडगडाटासह पाऊस येण्याची शक्यता वर्तवली आहे. तसेच वादळी वारे वाहू शकतात, त्यामुळे दक्षता घेण्याच्या सूचना करण्यात आल्या आहेत.
राज्यातील कोकण – गोवा पट्टी, मध्य महाराष्ट्र आणि मराठवाडा या भागांमध्ये विजेच्या गडगडाटासह हलका ते मध्यम पाऊस, तसेच तीस ते चाळीस किमी प्रति तास वेगाने वारा येण्याची शक्यता आहे. कोकण किनाऱ्यावर मच्छीमार व किनाऱ्यावर रहिवाशांना विशेष खबरदारीची सूचना देण्यात आली आहे. समुद्रातील परिस्थितीदेखील अस्थिर आहे. वादळी वा-याचा हा जोर सव्वीस ऑक्टोबर असाच दिसतो आहे. मुंबई आणि आसपासच्या उपनगरांमध्ये संध्याकाळी किंवा रात्री विजेच्या गडगडाटासह पाऊस पडण्याची शक्यता आहे. आज मुंबई शहराचं कमाल तापमान सुमारे पस्तीस अंश सेल्सिअस तर किमान सुमारे पंचवीस अंश सेल्सिअस राहण्याची शक्यता आहे.
हवामान विभागाने सांगितले आहे की, बंगालच्या उपसागरावर चक्रीवादळ तयार झाल्यामुळे महाराष्ट्रात हवामान अस्थिर झालं आहे आणि वारा, पाऊस येण्याची शक्यता वाढली आहे. खासकरुन, किनारी भागात राहणाऱ्यांसाठी हे अधिक चिंतेचे कारण आहे.
वादळी वारा असल्यामुळे झाड पडू शकतात. त्यामुळे झाडांपासून लांब राहावे आणि घराच्या छतावर हलक्या वस्तू ठेवू नयेत, त्या सुरक्षित ठिकाणी ठेवाव्यात. समुद्रकिनाऱ्याजवळ किंवा मच्छीमारीमध्ये असलेल्या लोकांनी समुद्रात जाणं टाळावं. विजा आणि गडगडाटाची शक्यता असल्यामुळे उघड्यावर किंवा उंच झाडाखाली उभे राहाणे टाळावे. अशा सूचना मान विभाग आणि प्रशासनाने स्थानिकांना दिल्या आहेत.
