नमुंमपा पोषण पुनर्वसन केंद्रातून कुपोषित बालकांसाठी प्रभावी उपचार व पोषण पुनर्वसन सेवा

 

        नवी मुंबई प्रतिनिधी-  नवी मुंबई महानगरपालिकेच्या आरोग्य विभागामार्फत दि. 12 नोव्हेंबर 2024 रोजी रामतनु माता बाल रूग्णालय तुर्भे येथे पोषण पुनर्वसन केंद्र (NRC – Nutrition Rehabilitation Centre) सुरू करण्यात आले आहे. या केंद्रामार्फत तीव्र कुपोषित (SAM) तसेच मध्यम कुपोषित (MAM) बालकांची तपासणी, वैद्यकीय उपचार व पोषण पुनर्वसन सेवा दिली जात आहे.

          या एनआरसी केंद्राच्या माध्यमातून कुपोषित बालकांची ओळख, आवश्यकतेनुसार रुग्णालयीन उपचार, पोषण व्यवस्थापन व पुढील देखरेखीची प्रक्रिया राबविण्यात येत आहे. केंद्र सुरू झाल्यापासून आतापर्यंत 2 बालकांना तीव्र कुपोषण (SAM) असल्याच्या संशयावरून रूग्णालयात दाखल करण्यात आले होते. त्या बालकांच्या पुढील वैद्यकीय तपासणी व मूल्यमापनानंतर त्यापैकी एका बालकामध्ये तीव्र कुपोषण (SAM) आणि दुस-या बालकामध्ये मध्यम कुपोषण (MAM) असल्याचे निष्पन्न झाले असून या दोन्ही बालकांची प्रकृती सध्य स्थिरआहे.

          तुर्भे रामतनु माता बाल रुग्णालयाव्यतिरिक्त वाशी, नेरुळ व ऐरोली सार्वजनिक रुग्णालयांमार्फत आत्तापर्यंत 128 तीव्र कुपोषण (SAM) असलेल्ाबालकांवर आणि 713 मध्यम कुपोषण (MAM) बालकांवर उपचार करण्यात आले आहेत. गरजेनुसार या बालकांचे पोषण सुधारण्यासाठी RUTF (Ready to Use Therapeutic Food) आहार व इतरआहार देऊन उपचार करण्यात आले आहेत.

          नवी मुंबई महानगरपालिकेच्या आरोग्य विभागाकडून मागील वर्षात 18 पोषण व आरोग्य शिबिरे आयोजित करण्यात आली आहेत. यामध्ये आढळणा-या संशयित बालकांना रुग्णालयामध्ये संदर्भित करण्यात येते. त्याठिकाणी त्यांची तपासणी करून खातरजमा केली जाते व त्यांच्यावर आवशकतेनुसार उपचार केले जातात.

          नवी मुंबई महानगरपालिका आरोग्य विभागामार्फत कुपोषणमुक्त बालक घडविण्याच्या उद्देशाने सातत्यपूर्ण उपाययोजना राबविण्यात येत असून, पोषण पुनर्वसन केंद्राच्या (NRC) माध्यमातून बालकांचे आरोग्य सुधारण्यासाठी आवश्यक सेवा दिली जात आहे.

00000