💧 टँकरद्वारे पाणीपुरवठ्यासाठी सर्वंकष कार्यपद्धती निश्चित! जिल्हास्तरीय समिती करणार संनियंत्रण व प्रत्यक्ष पाहणी

राज्य प्रतिनिधी-छत्रपती संभाजीनगर जिल्ह्यातील संभाव्य पाणीटंचाईच्या पार्श्वभूमीवर ऑक्टोबर २०२६ ते जून २०२७ या कालावधीसाठी टँकरद्वारे पाणीपुरवठ्याचे नियोजन करण्यात आले आहे. पाणीपुरवठ्यात पारदर्शकता व अचूकता राखण्यासाठी जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष विनय गौडा जी.सी. यांनी जिल्हास्तरीय पाणी टँकर संनियंत्रण व प्रत्यक्ष पाहणी समिती गठित केली आहे

🔹 लोकसंख्येनुसार पाण्याचे नियोजन – ग्रामीण भागासाठी दरडोई दररोज २० लिटर पाण्याच्या निकषानुसार गरज निश्चित केली जाणार.🔹 जीपीएसद्वारे टँकरवर लक्ष – प्रत्येक अधिकृत टँकरच्या खेपांची डिजिटल नोंद व पडताळणी; नोंदींच्या तपासणीनंतरच देयक अदा होणार.🔹 पाणी स्रोतांची पडताळणी – स्रोतांची उपलब्धता, क्षमता व पाण्याची गुणवत्ता तपासली जाणार.🔹 अचानक तपासणी – कार्यरत टँकरपैकी किमान ५ टक्के टँकरची अचानक तपासणी; गावांतील प्रत्यक्ष पाणीपुरवठ्याचीही पडताळणी.🔹 पाण्याच्या गुणवत्तेला प्राधान्य – पाण्याची नियमित तपासणी तसेच सार्वजनिक पाण्याच्या टाक्यांची स्वच्छता व निर्जंतुकीकरण सुनिश्चित केले जाणार.🔹 अनियमिततेवर कठोर कारवाई – टँकरच्या खेपांमध्ये अनियमितता, बनावट नोंदी किंवा आदेशांचे उल्लंघन आढळल्यास संबंधितांवर कायद्यानुसार कारवाई केली जाणार.जिल्हास्तरीय समितीच्या माध्यमातून टँकरद्वारे होणाऱ्या पाणीपुरवठ्याचे नियमित संनियंत्रण व प्रत्यक्ष पाहणी करण्यात येणार आहे.पाणीपुरवठ्यात पारदर्शकता, टंचाईग्रस्त भागांना दिलासा!#छत्रपतीसंभाजीनगर #पाणीटंचाई #टँकरद्वारेपाणीपुरवठा #जलव्यवस्थापन #जिल्हाप्रशासन #पाणीबचत