मुंबईतील मालाड दिंडोशी मध्ये अग्नीतांडव; खडकपाडा फर्निचर मार्केटला भीषण आग, ५ गोदामं जळून खाक!
मुंबई प्रतिनिधी-
मालाड खडकपाडा परिसरातील एका गोदामाला आग लागली होती. क्षणात आगीचा भडका उडाला व व आसपासच्या अन्य गोदामांपर्यंत पसरली. परिसरातील एका गोदामाला आग लागली होती. क्षणात आगीचा भडका उडाला व व आसपासच्या अन्य गोदामांपर्यंत पसरली. लाकडी साहित्यांचे गोदाम असल्याने आग प्रचंड वेगाने पसरली व आगीचा मोठा भडका उडाला. घटनेची माहिती मिळताच अग्निशमन दलाच्या 15 गाड्या घटनास्थळी दाखल झाल्या आहेत.
मिळालेल्या माहितीनुसार: मुंबई पूर्व असलेल्या मालाड परिसरात भीषण आगीची घटना समोर आली आहे. मालाड-दिंडोशी दरम्यान खडकपाडा परिसरातील फर्निचरच्या गोदामांना आग लागली आहे. सुरुवातीला एका फर्निचरच्या गोदामाला लागलेली आग अन्य गोदामांत पसरली. आगीचे नेमके कारण अद्याप समजू शकले नसले तरी अनेक गोदामं आगीच्या भक्ष्यस्थानी पडली आहेत. संपूर्ण आकाशात आग व काळ्या धुराचा प्रचंड लोळ उठल्याचे दिसत आहे. धूर दूर अंतरावरून दिसत असल्याने आगीची तीव्रता लक्षात येते.
आगीत मोठं आर्थिक नुकसान झालं आहे. नेमकी आग कशामुळे लागली,याची माहिती अद्याप समोर आली नाही. लोकांची वर्दळ असलेल्या खडकपाडा परिसरात आग लागल्याने लोकांमध्ये भीतीचं वातावरण आहे. त्याचबरोबर परिसरातील अन्य दुकानेही आगीच्या भक्ष्यस्थानी पडू शकतात, अशी शक्यता वर्तवली जात आहे.
