नवी मुंबई महानगरपालिका क्षेत्रातील पाणीपुरवठ्याबाबत अत्यंत महत्त्वाची सूचना
नवी मुंबई प्रतिनिधी- नवी मुंबई महानगरपालिकेमार्फत शुक्रवार दि.28/03/2025 रोजी सी.बी.डी.. सेक्टर-28 येथे मोरबे मुख्य जलवाहिनीला झालेल्या पाणी गळतीच्या दुरुस्ती करण्याचे काम तातडीने हाती घेण्यात येणार आहे. याकामासाठी सदर मुख्य जलवाहिनीवरील पाणी पुरवठा शुक्रवार दि.28/03/2025 रोजी सकाळी 11.00 ते सायंकाळी 6.00 वाजेपर्यंत एकूण 07 तास बंद राहणार आहे. त्यामुळे नवी मुंबई महानगरपालिका क्षेत्रातील बेलापूर, नेरुळ, वाशी, तुर्भे, सानपाडा, कोपरखैरणे, घणसोली व ऐरोली या विभागात शुक्रवार दि.28/03/2025 रोजी संध्याकाळी पाणी पुरवठा होणार नाही. तसेच याकालावधीत महानगरपालिका क्षेत्रातील जलवाहिनीवरील थेट नळजोडण्यांचा व सिडको क्षेत्रातील कामोठे व खारघर नोडमधील पाणी पुरवठा देखील बंद राहील. तसेच शनिवार दिनांक 29/03/2025 रोजी कमी दाबाने पाणी पुरवठा होईल. याद्वारे नवी मुंबई महानगरपालिका क्षेत्रातील नागरीकांना आवाहन करण्यात येते कि, याकालावधीत पाण्याचा जपून वापर करुन नवी मुंबई महानगरपालिकेस सहकार्य करावे.
0000000
