फिट इंडिया सायकलिंग ड्राईव्ह विशेष उपक्रमात सहभाग नोंदवावा

ठाणे, प्रतिनिधी:- भारत सरकारच्या क्रीडा विभागाच्या निर्देशानुसार राबविण्यात येणाऱ्या ‘फिट इंडिया सायकलिंग ड्राईव्ह’ विशेष उपक्रमांतर्गत 10 कि.मी. व 25 कि.मी. असे दि.24 ऑगस्ट 2025 रोजी सकाळी 06 वाजता साकेत मैदान येथून सुरू करण्यात येवून त्याच ठिकाणी ड्राईव्ह परत येवून पूर्ण करण्यात येणार आहे. ही ड्राईव्ह ठाणे पोलीस आयुक्तालय व ठाणे शहरातील नागरिकांच्या संयुक्त सहभागाने राबविण्यात येणार असल्याने या ड्राईव्हमध्ये मोठ्या प्रमाणात सहभागी व्हावे, असे आवाहन करण्यात आले आहे. या सायकलिंग ड्राईव्हचा मुख्य हेतु पोलीस दल व नागरिकांमध्ये ‘फिटनेस की डोस, आधा घंटा रोज’ व फिटनेसला आपल्या दैनंदिन जीवनशैलीचा अविभाज्य भाग बनविणे हा आहे.तरी ठाणे शहरातील महाविद्यालयातून जास्तीत जास्त संख्येने शिक्षक/विद्यार्थी यांनी स्वतःच्या सायकलसह सहभाग घेवून ‘फिट इंडिया सायकलिंग ड्राईव्ह’ या विशेष उपक्रमात सहभाग घेण्याचे आवाहन सहायक पोलीस आयुक्त सुरेखा कपिले यांनी केले आहे.

00000