जिल्हा परिषद व पंचायत समित्यांच्या सार्वत्रिक निवडणुकांसाठी मतदार यादी तयार करण्याचा कार्यक्रम जाहीर

रायगड-अलिबाग, प्रतिनिधी मा.राज्य निवडणूक आयोगाच्या दि.23 सप्टेंबर 2025 आदेशान्वये जिल्हा परिषद व पंचायत समित्यांच्या सार्वत्रिक निवडणुकांसाठी मतदार यादी तयार करण्याचा कार्यक्रम जाहीर झाला आहे. त्यानुसार पुढीलप्रमाणे सूचना प्रसिध्द करण्यात येत आहे.

निवडणूक विभाग व निर्वाचक गणनिहाय प्रारुप मतदार यादी प्रसिध्द करणे, दि.8 ऑक्टोबर 2025, संबंधित प्राधिकारी तहसिलदार. नागरिकांकडून प्रारुप मतदार यादीवर हरकती व सूचना स्विकारणे, दि.8 ऑक्टोबर ते दि.14 ऑक्टोबर 2025, संबंधित प्राधिकारी तहसिलदार. निवडणूक विभाग व निर्वाचक गणनिहाय मतदार याद्या अंतिम व अधिप्रमाणित करुन प्रसिध्द करणे, दि.27 ऑक्टोबर 2025, संबंधित प्राधिकारी तहसिलदार. मतदान केंद्राची व मतदान केंद्र निहाय यादी प्रसिध्द करणे, दि.27 ऑक्टोबर 2025, संबंधित प्राधिकारी तहसिलदार.

रायगड जिल्हा परिषद व पंचायत समित्यांच्या सार्वत्रिक निवडणुकासाठी निवडणूक विभाग व निर्वाचक गणनिहाय प्रारुप मतदार यादी https://raigad.gov.in, या संकेत स्थळावर उपलब्ध करुन देण्यात आली आहे, याबाबत नागरिकांनी नोंद घ्यावी, असे उपजिल्हाधिकारी (सा.प्र.) डॉ.रविंद्र शेळके यांनी कळविले आहे.