vishwatmaklokswamivarta
Breaking News
ठळक बातम्याप्रदेश

वसंतराव नाईक विमुक्त जाती व भटक्या जमाती विकास महामंडळाकडील योजनांचा लाभ घेण्याचे आवाहन

वसंतराव नाईक विमुक्त जाती व भटक्या जमाती विकास महामंडळाकडील योजनांचा लाभ घेण्याचे आवाहन

        सांगली, प्रतिनिधी : वसंतराव नाईक विमुक्त जाती व भटक्या जमाती विकास महामंडळाकडील विविध योजनांचा लाभ घ्यावा, असे आवाहन महामंडळाचे जिल्हा व्यवस्थापक किरण गिऱ्हे यांनी प्रसिध्दीपत्रकाव्दारे केले आहे.

  वसंतराव नाईक विमुक्त जाती व भटक्या जमाती महामंडळ अंतर्गत पैलवान कै. मारूती चव्हाण – वडार आर्थिक विकास महामंडळ (उपकंपनी) व राजे उमाजी नाईक आर्थिक विकास महामंडळ, (उपकंपनी) तसेच वसंतराव नाईक विमुक्त जाती व भटक्या जमाती महामंडळ मुख्य कंपनी सांगली या कार्यालयामार्फत बीज भांडवल कर्ज योजना, 1 लाख रूपये थेट कर्ज योजना, वैयक्तिक कर्ज व्याज परतावा योजना, गट कर्ज व्याज परतावा योजना राबविण्यात येत आहे. सन 2025-2026 या आर्थिक वर्षाचे उद्दिष्ट प्राप्त झाले असून, व्याज परतावा योजनेत संपूर्ण कर्ज बँकेचे राहील तथापि कर्जाचे हप्ते नियमितपणे भरल्यास कमाल 12 टक्केपर्यंतचे व्याज महामंडळ लाभार्थीच्या बँक खात्यावर जमा करते. व्याज परतावा योजना ऑनलाईन स्वरुपाची आहे. ऑनलाईन योजनेअंतर्गत www.vjnt.in या वेबसाईटवर जाऊन “नोंदणी” हा पर्याय निवडून ऑनलाईन अर्ज भरावा, आवश्यक कागदपत्रे पोर्टवर सादर करावीत. एक लाख रूपये थेट कर्ज योजनेमध्ये संपूर्ण कर्ज महामंडळाकडून दिले जाणार आहे. लाभार्थीने 2 हजार 85 रूपयांचा नियमित 48 समान मासिक हप्त्यांमध्ये परतफेड केल्यास लाभार्थींना व्याज अदा करावे लागणार नाही. परंतु थकित हप्त्यांवर द.सा.द.शे. 4 टक्के व्याजदर आकारण्यात येईल.

  अधिक माहितीसाठी महामंडळाचे सांगली जिल्हा कार्यालय वसंतराव नाईक विमुक्त जाती व भटक्या जमाती विकास महामंडळ, डॉ. बाबासाहेब आंबेडकर सामाजिक न्याय भवन, जुना बुधगांव रोड, संभाजी नगर, दूरध्वनी क्र. 0233-2376383 येथे संपर्क करावा तसेच महामंडळाची वेबसाईट www.vjnt.in पाहावी, असे प्रसिध्दी पत्रकात म्हटले आहे.

00000

संबंधित पोस्ट

श्रीगणेशा आरोग्याचा’ उपक्रमातून संपूर्ण राज्यात नागरिकांची आरोग्य तपासणी…▪ मुख्यमंत्री वैद्यकीय सहाय्यता निधी कक्षाचा पुढाकार

सरदार वल्लभभाई पटेल यांच्या जयंतीनिमित्त आयोजितराष्ट्रीय एकता दौडला नागरीकांचा उत्स्फूर्त प्रतिसाद

vishwatmaklokswamivarta

मंत्रिमंडळाचा निर्णय :- राज्य सरकारी कर्मचाऱ्यांना केंद्राप्रमाणे सुधारित राष्ट्रीय निवृत्तीवेतन योजना

जिल्हाधिकारी किशन जावळे यांच्या हस्ते 61,125 कोटी रु जिल्हा पतपुरवठा पुस्तिकेचे अनावरण- पीक कर्जाची मार्चअखेर 100 टक्के उद्दिष्टपूर्ती करा–जिल्हाधिकारी किशन जावळे

अनुसूचित जाती जमाती आयोगाचे उपाध्यक्षॲड. धर्मपाल मेश्राम यांनी घेतली पीडित कुटुंबियांची भेट..

vishwatmaklokswamivarta

मुख्यमंत्र्यांचा लाडका विभाग हा कौशल्य विकास विभाग कॅबिनेट मंत्री मंगल प्रभात लोढा यांचे विधान परिषदेत प्रतिपादन..