पोलिस भरतीमध्ये जालना येथील स्व.भूदेवी किशनराव गोरंट्याल क्रीडा प्रबोधिनी मधील विद्यार्थ्यांची निवड
जालना (प्रतिनीधी) जालना पोलीस दलातर्फे घेण्यात आलेल्या पोलिस भरतीमध्ये जालना येथील स्व.भूदेवी किशनराव गोरंट्याल क्रीडा प्रबोधिनी मधील आणखी दोन विद्यार्थ्यांची निवड झाली आहे. चांगदेव कैलास काळे व पूजा आप्पासाहेब उबाळे या विद्यार्थ्यांची निवड झाली आहे.मागील महिन्यात याच प्रबोधिनीतील सहा विद्यार्थी पोलिस भरतीसाठी पात्र ठरले होते. या यशाबद्दल त्यांचा माजी आमदार तथा भाजपा नेते कैलास गोरंट्याल, मा. नगराध्यक्षा व नगरसेविका सौ. संगीताताई गोरंट्याल, नगरसेवक अक्षय गोरंट्याल यांनी सत्कार करून पुढील वाटचालीस शुभेच्छा दिल्या. यावेळी संचालिका सौ.आरती गणेश दाभाडे,(ॲथलेटिक्स कोच) गणेश दाभाडे, प्रशांत उगावकर, किशोर पिंपळाले, अजय राऊत,महेश परदेशी व प्रशिक्षणार्थी विद्यार्थी उपस्थित होते.
