नीट-पीजी 2025 परीक्षा उपकेंद्रावर प्रतिबंधात्मक आदेश लागू
जालना प्रतिनिधी) :- जिल्ह्यातील जालना येथील जेईएस कॉलेज आणि बदनापूर येथील पाथ्रीकर कॅम्पसमधील इन्स्टिट्यूट ऑफ फार्मसी या दोन परीक्षा उपकेंद्रावर नीट-पीजी 2025 परीक्षेचे दि.3 ऑगस्ट 2025 रोजी सकाळी 9 ते 12.30 या वेळेत आयोजन करण्यात आले आहे. परीक्षा उपकेंद्राच्या 100 मीटर परिसरात कायदा व सुव्यवस्था राखण्यासाठी प्रतिबंधात्मक आदेश लागू करण्यात आला असल्याचे आदेश अपर जिल्हादंडाधिकारी गणेश महाडिक यांनी जारी केले आहे.
भारतीय नागरिक सुरक्षा संहिता 2023 चे कलम 163 अन्वये परीक्षा उपकेंद्र परिसरात 100 मीटर परिसरात परीक्षेच्या दिवशी सर्व सार्वजनिक दुरध्वनी, एसटीडी बुथ, फॅक्स, झेरॉक्स केंद्र व ध्वनीक्षेपके बंद ठेवण्यासाठी प्रतिबंधात्मक आदेश लागू केला आहे. आदेश दि.3 ऑगस्ट 2025रोजी सकाळी 8 ते दुपारी 1.30 वाजेपर्यंत अंमलात राहील, असेही आदेशात नमुद करण्यात आले आहे.
-*-*-*-*-
