खासगी आस्थापनांमध्ये बाल व किशोरवयीन कामगारास कामावर ठेवणे कायद्याने गुन्हा
सातारा प्रतिनिधी जागतिक बाल कामगार विरोधी दिवस हा १२ जून रोजी जगात पाळण्यात येतो. या दिवसाचे औचित्य साधून राष्ट्रीय बाल हक्क संरक्षण आयोगाच्या निर्देशाप्रमाणे जागतिक बाल कामगार विरोधी दिवस साजरा करण्यात येत आहे. त्या अनुषंगाने सातारा जिल्ह्यातील दुकाने व आस्थापना, हॉटेल्स, कारखाने, चित्रपटगृहे, गॅरेज व इतर सर्व आस्थापनांमध्ये बाल व किशोरवयीन कामगारास कामावर ठेवणे हा कायद्याने गुन्हा आहे तरी खासगी आस्थापनांनी बाल व किशोरवयीन कामगारास कामावर ठेवू नये, असे आवाहन सहाय्यक कामगार आयुक्त नितिन कवले यांनी केले आहे
बाल व किशोरवयीन कामगार (प्रतिबंध व नियमन) अधिनियम, १९८६ अन्वये १४ वर्षाखालील बालकास धोकादायक व बिगर धोकादायक व्यवसाय / प्रक्रियेमध्ये काम करण्यास प्रतिबंध करण्यात आलेला आहे. तथापि, १४ ते १६ वर्षे वयोगटातील किशोरवयीन कामगारास बिगर धोकादायक व्यवसाय / प्रक्रियेमध्ये नियमन करण्यात आलेले आहे. तथापि, धोकादायक व्यवसाय / प्रक्रियेमध्ये काम करण्यास प्रतिबंध करण्यात आलेला आहे असेही श्री. कवले यांनी कळविले आहे.
0000
