शेतकऱ्यांचा ‘समृद्धी’ गाळप हंगामासाठी सज्ज :समृद्धी साखर कारखान्यात 2025-26 हंगामाचे रोलर पूजन

घनसावंगी: प्रतिनिधी आगामी गाळप हंगाम 2025-26 साठी समृद्धी साखर कारखाना सज्ज झाला असून, कारखान्याची यंत्रणा सुरु करण्यासाठी कारखान्याचे चेअरमन श्री. सतीश घाटगे आणि व्हाईस चेअरमन महेंद्र मेठी यांच्या मार्गदर्शनाखाली गुरुवारी (दि.३१) पारंपरिक रोलर पूजन कार्यक्रम पार पडला.

 समृद्धी साखर कारखान्याचे जेष्ठ संचालक दिलीप मामा फलके, संचालक विकी शिंदे यांच्या हस्ते विधिवत रोलर पूजन करण्यात आले. यावेळी कारखान्याचे फॅक्टरी मॅनेजर आर. एस. माथनकर, विजय पंडित, सुमितकुमार माथुर , विकास खरात, भरत नाईकनवरे तसेच शेतकी विभागाचे अधिकारी व कर्मचारी उपस्थित होते. समृद्धी साखर कारखाना प्रत्येक हंगामात शेतकऱ्यांच्या विश्वासास पात्र राहिला आहे.

यंदाच्या हंगामातही कारखाना क्षेत्रातील उसाचे निर्धारित वेळेत गाळप करण्यासाठी योग्य नियोजन करण्यात येणार आहे. सभासद शेतकऱ्यांच्या उसाला परंपरेनुसार उच्चांकी दर देण्यासाठी प्रयत्न केले जातील. असा विश्वास कारखान्याचे चेअरमन सतीश घाटगे व्यक्त केला आहे.

———-

फोटो कॅप्शन : गाळप हंगाम 2025-26 साठी रोलर पूजन करताना समृद्धी साखर कारखान्याचे जेष्ठ संचालक दिलीप फलके, विकी शिंदे, आर. एस. माथनकर, विजय पंडित, सुमितकुमार माथुर , विकास खरात, भरत नाईकनवरे सह आदी. अधिकारी कर्मचारी