नवी मुंबई महानगरपालिका परिवहन उपक्रमाच्या मंत्रालय/वर्ल्ड ट्रेड सेंटर मार्गे अटल सेतू MTHL या मार्गावरील मार्ग क्र.116 व 117 या मार्गांवर ‘महिला विशेष’ बससेवा सुरु..

 

     नवी मुंबई प्रतिनिधी     नमुंमपा परिवहन उपक्रमामार्फत नवी मुंबई महापालिका हद्दीत व हद्दीबाहेर मुंबई, बोरिवली, ठाणे, भिवंडी, डोंबिवली, कल्याण, दहिसर, अंबरनाथ, बदलापूर, पनवेल, खोपोली, कर्जत, रसायनी आणि उरण या भागात 24 सर्वसाधारण व 46 वातानुकुलीत अशा एकूण 70 बस मार्गावर प्रवाशी सेवा देण्यात येत असून या बसमार्गांवर दैनंदिन 2.27 लाख प्रवाशी प्रवास करीत आहेत. त्यामध्ये महिला प्रवाशांना 50% सवलत दिल्याने सध्या परिवहन उपक्रमाच्या बसेसमध्ये दैनंदिन महिला प्रवाशांची संख्या 1 लाख इतकी आहे.

परिवहन उपक्रमाच्या अटल सेतू MTHL मार्गावरुन चालणाऱ्या वातानुकूलित बसमार्ग क्र.116 तुर्भे आगार/नेरूळ बस स्थानक ते वर्ल्ड ट्रेड सेंटर मार्गे खारकोपर तसेच बसमार्ग क्र.117 खारघर से.35 ते वर्ल्ड ट्रेड सेंटर मार्गे पळस्पे फाटा, या मार्गांवर महिलांकरीता विशेष बससेवा गुरुवार, दिनांक 14/08/2025 पासून सुरु करण्यात येत आहे. सदर बसेसची वेळ खालीलप्रमाणे आहे.

मार्ग क्र. 116 ठिकाण : नेरुळ ब.स्थानक ते वर्ल्ड ट्रेड सेंटर वेळ : 08.05

ठिकाण : वर्ल्ड ट्रेड सेंटर ते नेरुळ ब.स्थानक

वेळ : 18.25

मार्ग क्र.117 ठिकाण : खारघर से.35 ते वर्ल्ड ट्रेड सेंटर वेळ : 08.00

ठिकाण : वर्ल्ड ट्रेड सेंटर ते खारघर से.35

वेळ : 18.50

तरी जास्तीत जास्त महिला प्रवाशांनी या बससेवेचा लाभ घ्यावा असे आवाहन परिवहन उपक्रमाकडून करण्यात येत आहे.

000000