भारतीय बालरोग संघटनेच्या अध्यक्षपदी डॉ.तरूणा छाबडा तर सचिव डॉ. नामदेव वाघ
जालना/प्रतिनिधी
भारतीय बालरोग संघटनेच्या जालना जिल्हा अध्यक्षपदी डॉ. तरूणा धिरज छाबडा यांची तर सचिवपदी डॉ.नामदेव वाघ यांची निवड करण्यात आली.
जालना शहरातील एका हॉटेलमध्ये नुकत्याच झालेल्या कार्यक्रमात जिल्हा कार्यकारिणीचा पदग्रहण सोहळा पार पडला . यावेळी मावळत्या अध्यक्षा डॉ. अनुराधा राख व सचिव डॉ. मधुर करवा यांनी नुतन अध्यक्ष डॉ. तरूणा छाबडा व डॉ. नामदेव वाघ यांना पद्भार सुपूर्द केला. तसेच संघटनेच्या उपाध्यक्षपदी डॉ. राजीव जेथलिया, सह सचिव डॉ. तुषार शिंदे, कोषाध्यक्ष डॉ. रवि बेदरकर यांची निवड करण्यात आली.
नुतन अध्यक्षा डॉ. तरूणा छाबडा यांनी बोलतांना सांगितले की, भारतीय बालरोग संघटनेची स्थापना सन 1963 मध्ये मुंबई येथे झाली. सदरील संघटनेचे संपुर्ण भारतात 50 हजार सभासद आहेत. संघटनेने आपल्यावर दिलेली जवाबदारी आपण यशस्वीपणे पार पाडू असे त्या म्हणाल्या. नुतन अध्यक्षा डॉ. तरूणा छाबडा व सर्व कार्यकारिणीतील पदाधिकार्यांचे सर्वत्र अभिनंदन होत आहे.
——-
