पुणे आणि पिंपरी चिंचवड या दोन शहराला जोडणारा सांगवी बोपोडी पूल तीन महिन्यासाठी वाहतुकीस बंद
पुणे प्रतिनिधी –
पिंपरी-चिंचवड आणि पुणे या दोन शहरांना जोडणारा महत्त्वाचा दुवा असलेला सांगवी-बोपोडी पूल आता पुढील तीन महिन्यांसाठी वाहतुकीस बंद ठेवण्यात येणार आहे. मुळा नदीवरील या पुलावर सुरू होणाऱ्या कमान बांधणी आणि सुशोभीकरणाच्या कामामुळे वाहतुकीस पूर्ण बंदी लागू करण्यात आली आहे. पुणे महानगरपालिकेच्या स्थापत्य विभागाने यासंदर्भात औपचारिक आदेश जारी केला असून, वाहतूक पोलिसांच्या सहकार्याने पर्यायी मार्गांची व्यवस्था करण्यात आली आहे.
महापालिकेने नागरिकांना विनंती केली आहे की, कामकाजाच्या काळात वाहतुकीसाठी पर्यायी मार्गांचा वापर करावा, तसेच पुलाजवळ अनावश्यक गर्दी करू नये. कामाच्या ठिकाणी प्रवेश बंद ठेवण्यात आल्यामुळे कोणत्याही प्रकारची अपघाताची शक्यता टाळण्यासाठी पोलिस आणि पालिकेचे कर्मचारी दिवस-रात्र पहारा देत आहेत. तसेच, पादचाऱ्यांसाठी जवळच असलेल्या औंध ब्रिज आणि पुणे विद्यापीठ ब्रिजचा वापर करण्याचे आवाहन करण्यात आले आहे.
सांगवी-बोपोडी पूल हा मुळा नदीवरील एक ऐतिहासिक आणि वाहतुकीच्या दृष्टीने महत्त्वाचा पूल मानला जातो. या पुलावर कमान उभारण्याचे तसेच सुशोभीकरणाचे काम सुरु करण्यात येत आहे.
