बृहन्मुंबई महानगरपालिका सार्वत्रिक निवडणूक २०२५ – २६ च्या प्रत्यक्ष निवडणूक कार्यक्रमाच्या अनुषंगाने महानगरपालिका अधिकारी, निवडणूक निर्णय अधिकारी, पोलिस, उत्पादन शुल्क खात्याचे अधिकारी यांची संयुक्त बैठक संपन्न
मुंबई प्रतिनिधी 🔹बृहन्मुंबई महानगरपालिका सार्वत्रिक निवडणूक २०२५ – २६ च्या प्रत्यक्ष निवडणूक कार्यक्रमाच्या अनुषंगाने महानगरपालिका अधिकारी, निवडणूक निर्णय अधिकारी, पोलिस, उत्पादन शुल्क खात्याचे अधिकारी यांची संयुक्त बैठक आज महानगरपालिका मुख्यालयात संपन्न झाली. बृहन्मुंबई महानगरपालिका आयुक्त तथा जिल्हा निवडणूक अधिकारी श्री. भूषण गगराणी हे अध्यक्षस्थानी होते.
🔹महानगरपालिकेची सार्वत्रिक निवडणूक निर्भय, मुक्त व पारदर्शक वातावरणात व्हावी यासाठी निवडणूक निर्णय अधिकारी यांनी आवश्यक दक्षता घ्यावी. मतदान केंद्रांची अंतिम यादी तयार करण्यापूर्वी मतदान केंद्रांची प्रत्यक्ष पाहणी करावी. निवडणूक प्रक्रियेशी संबंधित अधिकारी व कर्मचारी यांची नियोजित कालमर्यादेत नियुक्ती करून त्यांना प्रशिक्षण देण्यात यावे. निवडणुकीच्या अनुषंगाने विविध पथके कार्यरत ठेवावीत, असे विविध निर्देश श्री. गगराणी यांनी दिले.
🔹आदर्श आचारसंहितेच्या प्रभावी अंमलबजावणीसाठी पोलिस, उत्पादन शुल्क व इतर विभागामार्फत प्रतिबंधात्मक उपाययोजना कराव्यात. निवडणूक काळात मतदारांवर प्रभाव टाकण्यासाठी केल्या जाणाऱया गैरप्रकारांवर कडक लक्ष ठेवावे. कायदा व सुव्यवस्था अबाधित राखण्यासाठी संवेदनशील व अतिसंवेदनशील भागांमध्ये विशेष दक्षता घ्यावी. नियमित गस्त, तपासणी नाके, वाहन तपासणी, तसेच संशयास्पद हालचालींवर तत्काळ कारवाई करण्यात यावी, असे निर्देशदेखील श्री. गगराणी यांनी यावेळी दिले.
🔹अतिरिक्त महानगरपालिका आयुक्त (शहर) डॉ. (श्रीमती) अश्विनी जोशी, विशेष कार्य अधिकारी (निवडणूक) श्री. विजय बालमवार, सहआयुक्त (करनिर्धारण व संकलन) श्री. विश्वास शंकरवार, उप आयुक्त (सुधार) श्री. संजोग कबरे, उप आयुक्त (सामान्य प्रशासन) श्री. किेशोर गांधी, उप आयुक्त (उद्याने) श्री. अजितकुमार आंबी, कोकण विभागाच्या अपर आयुक्त श्रीमती फरोघ मुकादम, उपजिल्हा निवडणूक अधिकारी श्री. विजयकुमार सूर्यवंशी यांच्यासह २३ निवडणूक निर्णय अधिकारी या बैठकीस उपस्थित होते.
0000
