तळा, श्रीवर्धन, म्हसळा आणि रोहा येथील क्रीडा संकुलांच्या विकासकामांमध्ये स्थानिक खेळाडूंच्या गरजा आणि त्या-त्या तालुक्यातील लोकप्रिय खेळांचा विचार करूनच नियोजन करण्यात यावे. तसेच प्रशासकीय मान्यता प्रक्रिया तातडीने पूर्ण करून पुढील १० ते १२ दिवसांत निविदा प्रक्रिया सुरू करण्यासाठी आवश्यक कार्यवाही करण्यात यावी,-

मंत्री आदिती तटकरे

राज्य प्रतिनिधी

तळा, श्रीवर्धन, म्हसळा आणि रोहा येथील क्रीडा संकुलांच्या विकासकामांमध्ये स्थानिक खेळाडूंच्या गरजा आणि त्या-त्या तालुक्यातील लोकप्रिय खेळांचा विचार करूनच नियोजन करण्यात यावे. तसेच प्रशासकीय मान्यता प्रक्रिया तातडीने पूर्ण करून पुढील १० ते १२ दिवसांत निविदा प्रक्रिया सुरू करण्यासाठी आवश्यक कार्यवाही करण्यात यावी, असे निर्देश महिला व बाल विकास मंत्री आदिती तटकरे यांनी दिले.

तळा, श्रीवर्धन आणि रोहा येथील क्रीडा संकुलांच्या विकास, नूतनीकरण आणि विविध सुविधांच्या आराखड्याबाबत आयोजित आढावा बैठकीत त्या बोलत होत्या. यावेळी रायगड जिल्हाधिकारी किशन जावळे दूरदृश्यप्रणालीद्वारे उपस्थित होते. उपविभागीय अधिकारी, तहसीलदार, कार्यकारी अभियंता यावेळी उपस्थित होते. तळा, श्रीवर्धन आणि रोहा येथील क्रीडा संकुलांसाठी तयार करण्यात आलेल्या मास्टर प्लॅनचा सविस्तर आढावा घेण्यात आला.