🎉 जालना महानगरपालिकेचा वर्धापन दिन विविध उपक्रमांनी उत्साहात साजरा

 

जालना | जालना शहर महानगरपालिकेचा वर्धापन दिन विविध सामाजिक, पर्यावरणपूरक आणि विकासाभिमुख उपक्रमांनी उत्साहात साजरा करण्यात आला.

या निमित्ताने वृक्षारोपण, जीआयएस (GIS) मालमत्ता नकाशांकनासाठी ड्रोन सर्वेक्षणाचा शुभारंभ, मोफत आरोग्य शिबिर, निबंध व चित्रकला स्पर्धेतील विद्यार्थ्यांचा गौरव, पुनर्वापरयोग्य सॅनिटरी नॅपकिन वितरण तसेच सेवानिवृत्त कर्मचाऱ्यांचा सन्मान करण्यात आला.

कार्यक्रमादरम्यान पर्यावरण जनजागृतीसाठी ‘प्लास्टिकमुक्त जालना’ माहितीपटाचे प्रदर्शन करण्यात आले. तसेच शहराच्या विकासाची भावी दिशा दर्शविणारी ‘व्हिजन जालना’ ही विशेष चित्रफीत सादर करण्यात आली आणि जालना महानगरपालिकेच्या नवीन बोधचिन्हाचे (Logo) अनावरण करण्यात आले.

 

यावेळी माननीय महापौर सौ. वंदना अरुण मगरे, उपमहापौर श्री. राजेश राऊत, महानगरपालिका आयुक्त श्रीमती अंजली शर्मा, स्थायी समिती सभापती श्री. अशोक पांगारकर, विषय समितीचे सर्व सभापती, नगरसेवक, अधिकारी, कर्मचारी तसेच नागरिक मोठ्या संख्येने उपस्थित होते.

 

वर्धापन दिनानिमित्त केक कापून आनंदोत्सव साजरा करण्यात आला. शहराच्या सर्वांगीण, शाश्वत आणि लोकाभिमुख विकासासाठी जालना महानगरपालिका कटिबद्ध असल्याचा विश्वास यावेळी व्यक्त करण्यात आला.

0000