सतीश घाटगे यांच्या पाठपुराव्याला यश : चित्रवडगावातील शेतरस्त्याचा प्रश्न अखेर मार्गी
घनसावंगी : प्रतिनिधी गेल्या अनेक वर्षांपासून प्रलंबित असलेला चित्रवडगाव शिवारातील पांदण रस्त्याचा महत्त्वाचा आणि शेतकऱ्यांच्या जिव्हाळ्याचा प्रश्न अखेर निकाली निघाला आहे. समृद्धी साखर कारखान्याचे चेअरमन सतीश घाटगे यांच्या पाठपुराव्यामुळे तालुका प्रशासनाने कार्यवाही करत हा रस्ता मोकळा केला
चित्रवडगाव येथील शेतकरी आणि गावकऱ्यांसाठी पांदण रस्ता हा अत्यंत जिव्हाळ्याचा विषय होता. या रस्त्याअभावी शेतकरी व ग्रामस्थांची मोठी गैरसोय होत होती. गेल्या ६ महिन्यांपासून तुकाराम सोसे, श्रीमंत बप्पा पोकळे, सरपंच गजानन सोसे, बबनराव उघडे आणि स्थानिक शेतकरी बांधवांनी सतीश घाटगे यांच्या माध्यमातून या रस्त्यासाठी प्रशासकीय पातळीवर पाठपुरावा केला. समृद्धी साखर कारखान्याचे चेअरमन तथा घनसावंगी विधानसभा निवडणूक प्रमुख सतीश घाटगे पाटील यांनी विशेष लक्ष घालून या प्रश्नाला गती दिली. त्यांच्या मार्गदर्शनामुळे प्रशासकीय पातळीवर हा विषय तडीस नेणे शक्य झाले. घनसावंगीचे तहसीलदार रमेश पागोटे यांनी प्रत्यक्ष स्थळी भेट देऊन रस्ता मोकळा करून दिला. त्यांनी दाखवलेल्या या तत्परतेमुळे गावकऱ्यांना आणि शेतकऱ्यांना मोठा दिलासा मिळाला आहे.
गावकऱ्यांची अडचण समजून घेऊन स्वतः प्रत्यक्ष जागेवर येत रस्ता मोकळा करून दिल्याबद्दल घनसावंगीचे तहसीलदार रमेश पागोटे यांचे सर्व शेतकरी व चित्रवडगावमधील ग्रामस्थांनी आभार मानले.
