नवी मुंबई महानगरपालिकेची बेकायदेशीर बांधकाम धडाकेबाज कारवाई सुरू घणसोली विभागात अतिक्रमण विरोधी कारवाई
नवी मुंबई प्रतिनिधी- नवी मुंबई महापालिकेच्या अतिक्रमण विभागाच्या वतीने नोटीस देऊनही संबधितांनी नोटिशीची दखल न घेतल्यामुळे अनधिकृत बांधकामाविरोधात आयुक्त डॉ.कैलास शिंदे यांच्या निर्देशानुसार व अतिरिक्त आयुक्त (2) डॉ. राहुल गेठे व उप आयुक्त (अतिक्रमण) श्री. भागवत डोईफोडे यांच्या मार्गदर्शनाखाली अतिक्रमण विभागाने घणसोली विभागात निष्कासनाची कारवाई केली.
नवी मुंबई महानगरपालिका विभाग कार्यालय घणसोलीच्या कार्यक्षेत्रातील से.04 येथील सुशांत सुभाष थोरात, प्लॉट क्रमांक 277-278, सुशिलकुमार राधेश्याम बर्नवाल, प्लॉट क्रमांक- 280- 281, जितेंद्रकुमार बिंदेश्वरी प्रसाद, प्लॉट नं.282-283 व अमर चाळके, प्लॉट नं.284-285 या रो-हाऊस धारकांनी नवी मुंबई महानगरपालिकेचे भोगवटा प्रमाणपत्र प्राप्त झाल्यानंतर, नमुंमपा मार्फत मंजूर बांधकामाच्या अतिरिक्त पुढील व मागील बाजूस अतिरिक्त आर.सी.सी., कॉलम उभारुन वाढीव बांधकाम केले होते.
सदर ठिकाणच्या वरील 04 रो-हाऊस धारकांच्या अनधिकृत वाढीव बांधकामांच्या कारवाईकरिता 01 जे.सी.बी., मशीन, 05 कामगार व 01 पिक अप व्हॅन यांच्या सहाय्य घेऊन ती बांधकामे निष्कासित करण्यात आली. या धडक मोहिमेसाठी घणसोली विभागातील सहाय्यक अधिकारी संजय तायडे, कनिष्ठ अभियंता रोहित ठाकरे व अतिक्रमण विभागातील इतर कर्मचारी व तसेच पोलिस पथक तैनात होते.
यापुढे देखील अशा प्रकारे अतिक्रमण विरोधी कारवाई अधिक तीव्र करण्यात येणार आहे.
