दिशा सालियान मृत्यू प्रकरण- वडिलांनी उभाठा नेते आदित्य ठाकरे, रिया चक्रवर्ती आणि इतरांविरुद्ध एफआयआर दाखल,नव्याने सीबीआय चौकशीची मागणी…
राज्य प्रतिनिधी-दिशा सालियान मृत्यू प्रकरण- वडिलांनी उभाठा नेते आदित्य ठाकरे, रिया चक्रवर्ती आणि इतरांविरुद्ध एफआयआर दाखल,नव्याने सीबीआय चौकशीची मागणी केली आहे दिशा सालियान हिचे वडील सतीश सालियन यांचे वकील नीलेश ओझा यांनी प्रसारमाध्यमांशी बोलताना सांगितले की, आम्ही पोलिस आयुक्त (सीपी) कार्यालयात लेखी तक्रार दाखल केली आहे, जी सह पोलिस आयुक्त गुन्हे यांनी स्वीकारली आहे. ही तक्रार आता एफआयआरमध्ये समाविष्ट आहे
प्राप्त माहितीनुसार-दिशा सालियान मृत्यू प्रकरणात शिवसेना (यूबीटी) नेते आदित्य ठाकरे , बॉलिवूड अभिनेता डिनो मोरिया , सूरज पंचोली, रिया चक्रवर्ती आणि इतरांविरुद्ध एफआयआर दाखल केला आहे दिशा सालियान हिच्या वडिलांकडून नव्याने चौकशीची मागणी दिशा सालियानच्या वडिलांनी केली आहे, ज्यामध्ये त्यांच्या मुलीच्या मृत्यू प्रकरणात पांघरूण घालण्याचा आरोप आहे. त्यांनी नवीन सीबीआय चौकशीची मागणी देखील केली आहे
याबाबत वकील नीलेश ओझा यांनी पत्रकारांना सांगितले की, दिशा सालियान मृत्यू प्रकरणाच्या आरोपींमध्ये आदित्य ठाकरे, दिनो मोरिया, सूरज पंचोली आणि इतरांचा समावेश आहे. या प्रकरणावर पांघरूण घालण्यामागील सूत्रधार परमबीर सिंग होते. त्यांनी सर्वांची दिशभूल करण्यासाठी आणि आदित्य ठाकरेंना वाचवण्यासाठी पत्रकार परिषद घेतली. एफआयआरमध्ये हे सर्व तपशील आहेत, ज्यामध्ये नार्कोटिक्स कंट्रोल ब्युरो (NCB) कडून मिळालेल्या माहितीचा समावेश आहे, ज्यामुळे आदित्य ठाकरे यांचा ड्रग्ज व्यवसायात सहभाग असल्याचे दिसून येते, यामध्ये दिशा सालियनच्या वडिलांकडून बलात्कार, खूनाचा आरोप केला
दिवंगत बॉलिवूड अभिनेता सुशांत सिंग राजपूत यांच्या माजी व्यवस्थापक दिशा सालियान यांचे 8 जून 2020 रोजी मुंबईतील मालाड येथील इमारतीच्या 14 व्या मजल्यावरून पडून निधन झाले. सहा दिवसांनंतर, सुशांत सिंग राजपूत त्याच्या वांद्रे येथील अपार्टमेंटमध्ये मृतावस्थेत आढळला, ज्यामुळे दोन्ही मृत्यूंशी संबंधित व्यापक अटकळ आणि तर्कवितर्कांना सुरुवात झाली. सीबीआयने आत्महत्येस प्रवृत्त केल्याचा आरोप फेटाळून लावला असला तरी, दिशाच्या वडिलांनी नवीन आरोप केले आहेत, ज्यात असा दावा केला आहे की त्यांच्या मुलीवर बलात्कार करून त्यांची हत्या करण्यात आली होती आणि हा गुन्हा लपवण्यात आला होता
दिशा सालियानच्या याबाबतचे वडिलांनी यापूर्वी मुंबई उच्च न्यायालयात याचिका दाखल केली होती, ज्यामध्ये मुंबई पोलिसांनी महत्त्वाचे फॉरेन्सिक पुरावे, प्रत्यक्षदर्शींचे अहवाल आणि परिस्थितीजन्य पुरावे दुर्लक्षित करून आत्महत्या किंवा अपघाती पडणे म्हणून खटला घाईघाईने बंद केल्याचा आरोप केला होता. त्यांनी आता त्यांच्या मुलीच्या मृत्यूची नवीन चौकशी आणि सीबीआय चौकशीची मागणी केली असल्याची माहिती वकिलांकडून देण्यात आली आहे
या सर्वांवर शिवसेना उभाठा नेते आदित्य ठाकरे यांनी सर्व आरोप फेटाळले आहेत, ते म्हणाले की ते त्यांची प्रतिमा खराब करण्यासाठी राजकीयदृष्ट्या प्रेरित प्रयत्न आहेत.
