औद्योगिक प्रशिक्षण संस्थेत प्रवेशासाठी समुपदेशन केंद्र सुरु

        सांगली, प्रतिनिधी: लोकशाहीर अण्णाभाऊ साठे शासकीय औद्योगिक प्रशिक्षण संस्थेमध्ये प्रवेश सत्र ऑगस्ट 2025 करिता ऑनलाईन प्रवेश चालू होणार आहेत. संस्थेत व्यवसायनिहाय उपलब्ध जागा, ऑनलाईन प्रवेश प्रक्रिया, प्रवेशासाठी आवश्यक कागदपत्रे या विषयी माहिती देण्यासाठी संस्थेच्या कॉन्फरन्स रुममध्ये प्रवेश समुपदेशन केंद्र सुरु करण्यात आले आहे. तरी याचा लाभ घ्यावा, असे आवाहन संस्थेचे प्राचार्य यांनी प्रसिद्धीपत्रकाद्वारे केले आहे.

पत्रकात म्हटले आहे, सांगली जिल्ह्यातील औद्योगिक प्रशिक्षण संस्थेमध्ये प्रवेश घेऊ इच्छिणाऱ्यांनी लोकशाहीर अण्णा भाऊ साठे शासकीय औ‌द्योगिक प्रशिक्षण संस्था, वसंतदादा औद्योगिक वसाहत, सांगली येथे कार्यालयीन कामकाजादिवशी सकाळी 10 ते 11 या वेळेत माहिती घेण्यासाठी उपस्थित रहावे.

00000