शासकीय तंत्रनिकेतन, ठाणे येथे शैक्षणिक वर्ष 2025-26 करीताअभियांत्रिकी पदविका अभ्यासक्रमांतील रिक्त जागांसाठी प्रथम वर्ष प्रवेश प्रक्रिया..

ठाणे, प्रतिनिधी:- शासकीय तंत्रनिकेतन, ठाणे येथे शैक्षणिक वर्ष 2025-26 करीता प्रथम वर्ष अभियांत्रिकी पदविका अभ्यासक्रमांतील रिक्त राहिलेल्या जागांसाठी (CAP-4 नंतर) संस्थास्तरावर प्रवेश प्रक्रिया ऑगस्ट पर्यंत राबविण्यात येणार असून इच्छुक विद्यार्थ्यांनी दि.5 ऑगस्ट 2025 पर्यंत https://poly25.dtemaharashtra.gov.in या संकेत स्थळावर किंवा संस्थेकडे अर्ज सादर करावा. प्राप्त अर्जावर आधारित गुणवत्ता यादी www.gpthane.org.in या संस्थेच्या संकेत स्थळावर प्रसिद्ध केली जाईल.

पात्र विद्यार्थ्यांनी सर्व मूळ कागदपत्रासह व अंदाजे रु.10 हजार 354 सुमारे दहा हजार तीनशे चोपन्न रुपये शुल्कासह 11 ऑगस्ट 2025 रोजी सकाळी 10:00 वाजता संस्थेत प्रत्यक्षात उपस्थित राहावे, सदर संस्था स्तरावरील प्रवेश फेरीत जागा शिल्लक राहिल्यास दुसऱ्या दिवशी दि.12 ऑगस्ट 2025 रोजी पुन्हा सकाळी 10:00 वाजता प्रवेश प्रक्रिया राबविण्यात येईल, असे शासकीय तंत्रनिकेतन, ठाणे प्राचार्य डॉ. दत्तात्रय राहीदास महाजन यांनी कळविले आहे.

0000000000