बंगाल, आसाम व पदुचेरी विधानसभेत भाजपाचा विजय ,जालन्यात भाजपाचा फटाके फोडून व पेढे वाटून जल्लोष
जालना (प्रतिनिधी) : पश्चिम बंगाल, आसाम व पदुचेरी विधानसभा निवडणुकांमध्ये भारतीय जनता पक्षाने मिळवलेल्या दणदणीत विजयाच्या पार्श्वभूमीवर जालना शहरात आज विजय जल्लोष साजरा करण्यात आला. जालना शहरातील वीर सावरकर चौक येथे आयोजित या कार्यक्रमाला माजी मंत्री आ.बबनरावजी लोणीकर, माजी आमदार कैलासजी गोरंटयाल, भाजपा जालना महानगर जिल्हाध्यक्ष भास्कर आबा दानवे, उपमहापौर राजेश राऊत, बद्रीनाथ पठाडे, युवानेते अक्षय गोरंटयाल यांची प्रमुख उपस्थिती होती.
कार्यक्रमाची सुरुवात फटाक्यांची आतषबाजी करून करण्यात आली. यावेळी उपस्थित कार्यकर्त्यांनी एकमेकांना पेढे भरवून आनंद व्यक्त केला. “भारत माता की जय”, “वंदे मातरम्” आणि “भाजपा जिंदाबाद” अशा घोषणांनी संपूर्ण परिसर दुमदुमून गेला. हा विजय पंतप्रधानांच्या नेतृत्वावर व केंद्र सरकारच्या विकासाभिमुख धोरणांवर जनतेने दाखविलेल्या विश्वासाचे प्रतीक आहे.
यावेळी वीरेंद्र धोका, विजय कामड, सिद्धिविनायक मुळे, सोपान पेंढारकर, सुनील पवार, अमोल कारंजेकर, गोविंद ढेंबरे, सुनील खरे, अमोल धानुरे, नारायण पवार, सुजित जोगस, शिवराज नारीयवालेसिद्धेश्वर हाजबे, देविदास देशमुख, राजेश जोशी, शिवराज जाधव, अर्जुन गेही, रोषण चौधरी, रोहित भूरेवाल, दिनेश व्यास, विजय पवार, राजेश शर्मा, नागेश अंभोरे, विकास कदम, बद्रीनाथ जांगडे, उमेश अग्रवाल, विष्णू डोंगरे, शाम उगले, गौरव गोधेकर, राजेश देसार, रमेश दानवे, शिवाजी गायकवाड यांच्यासह पदाधिकारी कार्यकर्ते मोठ्या संख्येने उपस्थिती.
